وبلىستىق توتەنشە جاعدايلار دەپارتامەنتىنىڭ مالىمەتىنە سۇيەنسەك, قىزىلقوعا اۋدانىنىڭ اۋماعىندا تاعى دا دالا ءورتى تىركەلىپ وتىر.
"بۇل – اتالعان اۋداندا تىركەلگەن دالا ءورتىنىڭ ءتورتىنشى وقيعاسى. دەپارتامەنتتىڭ ديسپەتچەرلىك پۋلتىنە 14 شىلدەدە ساعات 13:50-دە ميالى اۋىلىنان 60 شاقىرىم قاشىقتا قۇرعاق ءشوپتىڭ ورتەنىپ جاتقانى تۋرالى حابار ءتۇستى. وسىعان وراي ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قۇرامىنان 7 قىزمەتكەر 1 تەحنيكامەن وقيعا ورنىنا شۇعىل جەتتى. ولار ويتان, لۇقپان, قازانقاپ, تەمىرشاعىل, ايىرتاۋ ۋچاسكەلەرىندە 5 مىڭ گەكتار اۋماقتىڭ ءشوبى جانعانىن انىقتادى", - دەپ حابارلادى دەپارتامەنتتىڭ ءباسپاسوز قىزمەتىنەن.
جايىلىمدىق ءشوپتى شارپىعان جالىندى اۋىزدىقتاۋعا ءورت سوندىرۋشىلەرمەن بىرگە, ەرىكتى ءورت ءسوندىرۋ جاساعىنان 29 ادام مەن 11 تەحنيكا تارتىلدى. ءورت كەشە 15 شىلدەدە ساعات 01:55-تە سوندىرىلگەن.