وتاندىق ەكونوميكاعا العاش ينۆەستيتسيا سالعان شەتەل ينۆەستورى – «شەۆرون» كومپانياسى اتىراۋلىق وقۋشىلار مەن جاستارعا ەرەكشە سىي جاسادى. كومپانيا دەمەۋشىلىگىمەن بوي كوتەرگەن ساۋلەتتى سارايدىڭ اۋماعى 18 833 شارشى مەتردى قۇرايدى.
اتالعان عيماراتتىڭ قۇرىلىسى 2018 جىلى باستالعان ەدى. عيماراتتا ءتورت قابات بار. مۇندا وقۋشىلار مەن جاستار شىعارماشىلىق قابىلەتىن, سپورتتىق شەبەرلىگىن شىڭدايدى. سونداي-اق سارايدا عىلىم مەن تەحنيكا, ونەر, مادەنيەت جانە سپورت سەكىلدى سالالارعا قاتىستى جەتى باعىتتا 63 ۇيىرمە جۇمىس ىستەمەك.
– وقۋشىلارعا ۇلتتىق مادەنيەتىمىز بەن سالت-ءداستۇرىمىز تۋرالى ماعلۇمات الۋعا, پلانەتاريدەن اسپان الەمىمەن تانىسۋعا مۇمكىندىك جاسالىپ وتىر. مۇندا كۇنىنە ەكى اۋىسىمدا 1 500 بالا ونەرمەن, سپورتپەن, شىعارماشىلىقپەن شۇعىلدانا الادى. وقۋشىلار مەن جاستاردىڭ قابىلەتىن ءتۇرلى باعىتتا شىڭداۋ ءۇشىن 200-دەن استام مۇعالىم جۇمىسپەن قامتىلادى, – دەيدى اتىراۋ قالالىق ءبىلىم ءبولىمىنىڭ باسشىسى فەرۋزا شاڭگەرەەۆا.
قالا كوركىنە ءسان بەرگەن اسەم سارايدىڭ جۇمىسى 1 قىركۇيەكتە باستالادى دەپ كۇتىلۋدە.
اتىراۋ