ۇلتتىق ەكونوميكا ءمينيسترى رۋسلان دالەنوۆ مەملەكەتتىك-جەكەشەلىك ارىپتەستىك تۋرالى زاڭناماعا ءتيىستى وزگەرىستەر ەنگىزىلەتىنىن ءمالىم ەتتى, دەپ جازادى Egemen.kz
"مەملەكەت باسشىسى قور نارىعىن دامىتۋدىڭ ماڭىزىن اتاپ ءوتتى. ۇلتتىق ەكونوميكا مينيسترلىگى قارجى اگەنتتىگىمەن جانە ۇلتتىق بانكپەن, باسقا دا مۇددەلى مەملەكەتتىك ورگاندارمەن جانە ۇيىمدارمەن بىرلەسىپ, قور نارىعىن دامىتۋ بويىنشا قابىلدانىپ جاتقان شارالار تۋرالى اقپاراتتى پرەزيدەنت اكىمشىلىگىنە ەنگىزەدى. سونىمەن بىرگە مەملەكەت باسشىسىنىڭ مەملەكەتتىڭ فيسكالدىق جانە ەكونوميكالىق مۇددەلەرىن قورعاۋدى قامتاماسىز ەتۋ جونىندەگى تاپسىرماسى ورىندالادى. مەملەكەتتىك-جەكەشەلىك ارىپتەستىك جوبالارىنىڭ الەۋمەتتىك-ەكونوميكالىق تيىمدىلىگىن ارتتىرۋ ءۇشىن مەملەكەتتىك-جەكەشەلىك ارىپتەستىك تۋرالى زاڭناماعا ءتيىستى وزگەرىستەر ەنگىزىلەتىن بولادى", - دەدى رۋسلان دالەنوۆ ۇكىمەت وتىرىسىندا.
مينيستر سونداي-اق "قاراپايىم زاتتار ەكونوميكاسى" باعدارلاماسىن ءتيىمدى ىسكە اسىرۋ بويىنشا بيزنەس ءۇشىن مىندەتتەمەلەردى ەنگىزە وتىرىپ, باعدارلامانىڭ ناقتى ينديكاتورلارى مەن ستراتەگيالىق مىندەتتەرى ايقىندالاتىنىن مالىمدەدى.