بۇگىن جامبىل وبلىسىنا كوروناۆيرۋس پەن پنەۆمونيانى ەمدەۋگە قولدانىلاتىن ءدارى-دارمەكتەردىڭ ۇلكەن پارتياسى جەتكىزىلدى. وسى ارقىلى وڭىردە ءدارى تاپشىلىعى ماسەلەسى شەشىلۋدە.
بۇل رەتتە وبلىستىق دەنساۋلىق ساقتاۋ باسقارماسى "سك-فارماتسيا" جاۋاپكەرشىلىگى شەكتەۋلى سەرىكتەستىگىنىڭ وڭىردەگى وكىلدىگىمەن بىرلەسىپ, قاجەتتى ءدارى-دارمەكتەر بويىنشا ءوتىنىم جىبەرگەن. ناتيجەسىندە, اعىمداعى جىلعى 9-11 شىلدە ارالىعىندا 98 ميلليون 383 مىڭ تەڭگەگە ءدارى-دارمەكتەردىڭ اۋقىمدى پارتياسى جەتكىزىلگەن بولاتىن. ولار پنەۆمونيا جانە كوروناۆيرۋس ىندەتىن ەمدەۋگە ارنالعان. وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆتىڭ ايتۋىنشا, پرەپاراتتار وبلىستىق اۋرۋحانالارعا تاراتىلعان. بۇگىنگى تاڭدا ءدارى-دارمەكتەر اۋداندىق مەديتسينالىق مەكەمەلەرگە دە جىبەرىلۋدە.
ال, جەتكىزىلگەن ءدارى-دارمەكتەردىڭ قاتارىندا 1300 امپۋلالىق انتيبيوتيكتەر, 2585 امپۋلالىق انتيكواگۋليانتتار, 45,170 امپۋلالىق ۆيتاميندەر جانە 1850 امپۋلالىق دەكسامەتازون بار. "بۇدان بولەك, بىرەر كۇندە ءدارى-دارمەكتەردىڭ جاڭا جەتكىزىلىمى دە كەلەدى. ءبىز 700 ميلليون تەڭگەگە قوسىمشا ءوتىنىش جىبەردىك", دەيدى مارات جۇمانقۇلوۆ. ونىڭ ايتۋىنشا, ول ءدارى-دارمەكتەر دە دارىحانالارعا جەتكىزىلەدى. ء"ىرى ءدارى-دارمەك جەتكىزۋشىلەرىمەن تاۋارلاردى ۋاقتىلى جەتكىزىپ وتىرۋ بويىنشا كەلىسىمشارتتار جاسالعان. ماسەلەن, بۇگىندە ء"امىر جانە د" ءدارىحانالارىنا 100 ميلليون تەڭگەدەن استام قارجىعا ءدارى-دارمەكتەر اكەلىنگەن", دەيدى ول. باسقا ءدارىحانالار دا قاجەتتى پرەپاراتتارمەن قامتاماسىز ەتىلەتىن بولادى.
جامبىل وبلىسى