وبلىستىق قورعانىس ىستەرى جونىندەگى دەپارتامەنت باستىعىنىڭ ورىنباسارى ايدوس امانعاليەۆتىڭ ايتۋىنشا, بيىل اتىراۋدان 669 جاستى اسكەرگە جىبەرۋ جوسپارلانعان ەكەن. ال, جىل باسىنان بەرى وتان قورعاۋ ءۇشىن 504 جاس اسكەرگە اتتانىپتى.
"اسكەر قاتارىنا ورتا, ارناۋلى ورتا جانە جوعارى ءبىلىمى بار ازاماتتار شاقىرىلۋدا. ويتكەنى, سارباز ءۇشىن فيزيكالىق, سونداي-اق, مورالدىق-پسيحولوگيالىق دايىندىقتان بولەك, ءبىلىم دە قاجەت. اسكەرگە شاقىرىلۋشىلار جوعارى نە ارناۋلى ورتا وقۋ ورنىن اياقتاماي, سارباز قاتارىنا الىنبايدى. بىراق, ازاماتتار ءوز ەركىمەن وقۋىن ۋاقىتشا توقتاتىپ, اسكەري قىزمەتكە بارا الادى" - دەيدى ايدوس امانعاليەۆ.