شىمكەنتتە تەگىن بەرىلەتىن ءدارى-دارمەكتى ساتقان

شىمكەنت قالاسىنىڭ پوليتسيا دەپارتامەنتىمەن قالا اۋماعىندا كارانتين ۋاقىتىندا قاجەتتى ءدارى-دارمەكتەردىڭ جەتىسپەۋشىلىگىن پايدالانىپ, جوعارى سۇرانىسقا يە بولعان رەسپيراتورلىق ۆيرۋستىق اۋرۋلاردى ەمدەۋگە ارنالعان ءدارى-دارمەكتەردى جوعارى باعامەن پايدا تابۋ ءۇشىن ساتقان ءدارىحانا قىزمەتكەرلەرى مەن تۇرعىنداردى انىقتاۋ ماقساتىندا جەدەل-پروفيلاكتيكالىق ءىس-شارا جۇرگىزىلدى.

قابىلدانعان شارالار ناتيجەسىندە ءدارى-دارمەكتەردى جوعارى باعامەن زاڭسىز ساتۋدىڭ ونعا جۋىق جايتى انىقتالدى.

جەدەل ءىس-شارالار بارىسىندا الىمقۇلوۆ كوشەسى, بەس ءۇيدىڭ اۋلاسىندا ءۇش قويما انىقتالدى. وندا تەكسەرۋ بارىسىندا پوليتسيا قىزمەتكەرلەرىمەن شاقىرىلعان فارماتسەۆت ماماندارعا قويما يەسى ءدارى-دارمەكتەردى ساتۋعا ارنالعان ارنايى ليتسەنزياسىن كورسەتتى. الايدا بۇل ليتسەنزيا باسقا عيماراتقا ارنالعانى تۋرالى فارماتسەۆت ماماندار باياندادى. اتالعان قويمالاردا ءدارى-دارمەكتەر زاڭسىز ساقتالعان. فارماتسەۆت ماماندار قويمادا انىقتالعان ءدارى-دارەمكتى ءۇش توپقا ءبولىپ, ءاربىر ءدارى-دارمەكتىڭ قايدا قولدانىلاتىنى تۋرالى تۇسىنىك بەردى.

ءبىرىنشى توپ – قازاقستان رەسپۋبليكاسىنىڭ اۋماعىندا تىركەلمەگەن جانە ساتۋعا رۇقسات بەرىلمەگەن ءدارى-دارمەكتەر. ولار “كونۆۋلەكس”, “ەنتسەفوبول”, “الوە ەكستراكت ينەكتسيا ءۇشىن” جانە تاعى باسقالار. ەكىنشى توپ – رەسپيراتورلىق ۆيرۋستىق اۋرۋلاردى ەمدەۋگە ارنالعان جوعارى سۇرانىسقا يە بولعان ءدارى-دارمەكتەر. ولار “تسەف 3”, “تسەفترياكسون”, “ينگاۆيرين”, “گوردوكس”, “دەكسامەتازون” جانە تاعى باسقالار. ءۇشىنشى توپ – قازاقستان رەسپۋبليكاسىندا مەديتسينادا تىركەۋدە تۇرعان ازاماتتارعا تەگىن بەرىلەتىن ءدارى-دارمەكتەر. ولار “دەپاكين”, “مەتودجەكت” جانە تاعى باسقالار.

سونداي-اق, قويماداعى ءدارى-دارمەكتەردىڭ ساقتالۋىنا ەشقانداي جاعداي جاسالماعان جانە ساقتالۋ تالاپتارىن ورەسكەل بۇزىپ تۇرعانىن انىقتادى. ياعني ءدارى-دارمەكتەر ەمدەۋ قاسيەتتەرىن جوعالتىپ, ادام ومىرىنە قاۋىپتى ەكەنىن ءتۇسىندىردى. بۇدان باسقا, قويمانىڭ بەت جاعىندا ءدارىحانانى بەلگىلەيتىن جارناماسى جوق.اقپارات كوزى Polisia.kz سايتىندا: https://polisia.kz/shymkentte-tegin-beriletin-dari-darmekti-satqan/