بۇگىنگى ونلاين-بريفينگتە الماتى قالاسىنىڭ اكىمى باقىتجان ساعىنتاەۆ قالادا كارانتين شارالارىنىڭ ساقتالۋىن تەكسەرۋدى جۇزەگە اسىراتىن مونيتورينگتىك توپتاردىڭ قىزمەتىنە قاتىستى سۇراقتارعا جاۋاپ بەردى.
ء"ىشىنارا جۇرگىزىلگەن تەكسەرۋ قورىتىندىسى بويىنشا 701 نىساننان كارانتين رەجيمىنىڭ بۇزىلعانى انىقتالدى. ءبىز تەكسەرىس بارىسىندا انىقتالعان تارتىپبۇزۋشىلىقتارعا دەر كەزىندە ارەكەت ەتەمىز. وعان قوسىمشا, ازاماتتارعا ءتارتىپ بۇزۋشىلىق تۋرالى حابارلاۋ ءۇشىن ءبىزدىڭ call-ورتالىقتارىمىزعا حابارلاسۋعا بولادى", - دەپ حابارلادى باقىتجان ساعىنتاەۆ.
قۇرامىنا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ماماندارى ەنگەن اۋداندىق اكىمدىكتەرى بەكىتكەن مونيتورينگتىك توپتار كارانتين كەزىندە جۇمىستارىن جاڭعىرتقان قالاداعى 5976 نىسانعا تەكسەرىس جۇرگىزدى, سونىڭ ىشىندە 2512 قوعامدىق تاماقانۋ, وندىرىستىك ساۋدا جانە بازارلار, 1903 وندىرىستىك ەمەس ساۋدا نىساندارىنا, سۇلۋلىق سالوندارىنا, مونشالار, قازپوشتا بولىمدەرى, بانكتەر, مەشىتتەر, كەڭسەلەر, قۇرىلىس الاڭدارى جانە كوممۋنالدىق ماقساتتاعى باسقا دا نىساندارعا, 1166 ءوندىرىس ورىندارى نىساندارىنا, اۆتوسەرۆيس جانە 395 بالاباقشا (كەزەكشى توپتار) بار.
تەكسەرۋ قورىتىندىسى بويىنشا, 642 نىساننىڭ قىزمەتى ەسكەرتۋلەرلى تۇزەگەنگە دەيىن توقتاتىلدى, ول تەكسەرىلگەن جالپى نىسانداردىڭ 10,7% قۇرادى. ولاردىڭ ىشىندە 621 نىسان ەسكەرتۋ العاننان كەيىن وزدىگىنەن توقتاتقان. سۋبەكتىلەر تاراپىنان ەسكەرتۋلەرگە قاتىستى تۇزەتۋلەر بولماعاننان كەيىن تقسقبد اۋداندىق باسقارمالارىنىڭ قاۋلىسىمەن 21 نىساننىڭ قىزمەتى توقتاتىلدى.
انىقتالعان تارتىپبۇزۋشىلىقتاردىڭ ىشىندە كەڭ تاراعانى: قىزمەتكەرلەرگە تەرمومەتريا جۇرگىزبەۋ, كەلۋشىلەر اراسىندا الەۋمەتتىك قاشىقتىقتىڭ ساقتالماۋى, قىزمەتكەرلەردىڭ ماسكالارىن ۋاقتىلى اۋىستىرماۋى, قىزمەتكەرلەردىڭ ماسكا رەجيمىن ورىنداماۋى, قولعاپتاردىڭ جوقتىعى, زاۋىت وراماسى جوق تەرى انتيسەپتيكتەرىن قولدانۋ, ۇستەلدەر اراسىندا الەۋمەتتىك قاشىقتىقتىڭ ساقتالماۋى, دەزينفەكتسيالىق كىلەمشەلەردىڭ جوقتىعى جانە باسقا دا تارتىپبۇزۋشىلىقتار ەكەنى اتاپ ءوتىلدى.