وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە قاراعاندا, قىزىلقوعا اۋدانىنىڭ مۇقىر اۋىلىندا تۇراتىن ەكى تۇرعىننىڭ 4 شىلدەدە ساعىز وزەنىنە بارعان ساپارى قايعىلى وقيعاعا ۇلاستى, - دەپ جازادى Egemen.kz
"مۇقىر اۋىلىنىڭ 1985 جانە 2005 جىلعى تۇرعىندارى ساعىز وزەنىنە شومىلۋعا بارعان. الايدا, ولار وزەننىڭ ارنايى جابدىقتالماعان جەرىندە شومىلىپ, سۋعا كەتكەن. بۇگىن, 5 شىلدەدە ساعات 00:30 شاماسىندا قىزىلقوعا اۋداندىق توتەنشە جاعدايلار ءبولىمىنىڭ قىزمەتكەرلەرى مەن جەرگىلىكتى تۇرعىندار سۋعا كەتكەندەردىڭ دەنەسىن تاۋىپ, وزەننەن شىعاردى", -دەپ حابارلادى دەپارتامەنتتىڭ ءباسپاسوز قىزمەتى.
دەپارتامەنت قىزمەتكەرلەرىنىڭ سوزىنشە, وسىنداي قايعىلى وقيعا قاۋىپسىزدىك شارالارىن ساقتاماۋدان بولىپ وتىر. ويتكەنى, تۇرعىندار كوبىنەسە ارنايى جابدىقتالماعان جەردە ءجيى شومىلادى.