الماتى اكىمدىگى مەن فارماتسەۆتەر ءدارى-دارمەك ماسەلەسىن شەشۋگە ۋاعدالاستى

ياعني, الماتى اكىمى باقىتجان ساعىنتاەۆ Instagram-داعى ءوزىنىڭ پاراقشاسىندا ءدارى تاپشىلىعى پروبلەماسىن شەشۋ ءۇشىن فارمكومپانيالار مەن سالالىق قاۋىمداستىق باسشىلارىمەن بىرنەشە كەزدەسۋ وتكىزگەنىن جازدى.

"مامانداردىڭ پىكىرىنشە, ءدارى-دارمەك تاپشىلىعى الدەبىرەۋلەر ۇسىنعان دارىلەرمەن ەمدەلۋدى ءجون كورگەن تۇرعىنداردىڭ دۇرلىگۋىنەن پايدا بولعان. تەرمومەترلەردىڭ دە تاپشىلىعى ورىن الدى. ءبىر ايعا جەتۋى ءتيىس 30 مىڭ گرادۋسنيك ەكى كۇننىڭ ىشىندە ساتىلىپ, ءبىتىپ قالدى. باعا دا بىردەن شارىقتاعان",  دەپ اتاپ ءوتتى قالا اكىمى.

اكىمنىڭ جازباسىندا قر فارماتسەۆتيكالىق قىزمەتتى قولداۋ جانە دامىتۋ قاۋىمداستىعى, سونىمەن بىرگە, مەگاپوليستىڭ ءدارىحانالار جەلىسى, ءدارى جەتكىزۋشىلەر جانە مەديكامەنتتەردى وندىرۋشىلەرىمەن مەموراندۋمعا قول قويىلعانى ايتىلعان. وسىلايشا, قالا ءدارىحانالارىنا الەۋمەتتىك ماڭىزى بار دارىلەردىڭ 41 اتاۋىنىڭ جەدەل تۇردە جەتكىزىلۋى قامتاماسىز ەتىلەتىن بولادى. مەموراندۋمعا الماتى قالاسىنىڭ كاسىپكەرلىك جانە ينۆەستيتسيالار باسقارماسى, تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى, قر فارماتسەۆتيكالىق قىزمەتتى قولداۋ جانە دامىتۋ قاۋىمداستىعى, سونىمەن بىرگە, مەگاپوليستىڭ ءدارىحانالار جەلىسى, ءدارى جەتكىزۋشىلەر جانە مەديكامەنتتەردى وندىرۋشىلەرى قول قويدى.

مەموراندۋمعا سايكەس, ءدارىحانالار دەنساۋلىق ساقتاۋ ءمينيسترىنىڭ 2019 جىلدىڭ 15 شىلدەدەگى №قر دسم-104 بۇيرىعىندا بەلگىلەنگەن باعالاردى ۇستانۋلارى كەرەك. سونىمەن بىرگە تاپسىرىستى جەتكىزۋشىلەر, وندىرۋشىلەر جانە قالا ءدارىحانالارى جۇيەلى تۇردە دارىگە دەگەن دەفيتسيتتى رەتتەۋ ماقساتىندا الماتى قالاسىنىڭ اكىمدىگىنە دارىلەردىڭ بار-جوقتىعى, ولاردىڭ ءبىر كۇندەگى ساتىلىمى, سونىمەن بىرگە جاقىن ارادا جەتكىزىلۋى ءتيىس دارىلەر تۋرالى اقپارات بەرىپ وتىرۋلارى كەرەك.

بۇگىنگى تاڭدا مەموراندۋم اياسىندا قالا بويىنشا 102 ءىرى ءدارىحانانىڭ بارى انىقتالدى, ولارعا الەۋمەتتىك ماڭىزدى دارىلەردىڭ 41 اتاۋى جەتكىزىلەدى. مۇنداي ءدارىحانالار قالانىڭ ءاربىر اۋدانىندا بار. ءاربىر 41 پرەپارات بويىنشا نەگىزسىز دۇرلىكپەنى بولدىرماۋ ماقساتىندا ءبىر قولعا ساتۋعا رۇقسات ەتىلگەن مولشەرى انىقتالدى.

جالپى, قالانى قاجەتتى دارىلەرمەن جانە تەرمومەتريامەن قامتاماسىز ەتۋ ماسەلەسى شەشىمىن تاپتى. دارىلىك قۇرالداردى جەتكىزۋشى ءىرى كومپانيالار "پاراتسەتامول", "يبۋپروفەن", "ەففەرالگان", "اسپيرين", "تاميفليۋ", "ينگاۆيرين", «ازيتروميتسين» جانە "سۋمامەد" دارىلەرىنىڭ كۇندەلىكتى جەتكىزىلۋىن جۇزەگە اسىرادى.

قالادا قازىر "پاراتسەتامولدىڭ" 240 000 داناسى, "يبۋپروفەننىڭ" 187 000 داناسى, "ەففەرالگاننىڭ" 11 000 داناسى, ء"اسپيريننىڭ" 206 000, ء"تاميفليۋدىڭ" 40 000, ء"ازيتروميتسيننىڭ" 160 000 داناسى جانە "سۋمامەدتىڭ" 10 000 داناسى بار. جاقىن كۇندەرى اتالعان مەديكامەنتتەردىڭ ۇلكەن كولەمدەگى قوسىمشا جەتكىزىلىمى كۇتىلۋدە.

سونىمەن بىرگە, 29 ماۋسىمنان باستاپ تەرمومەترلەردىڭ العاشقى ءىرى جەتكىزىلىمدەرى باستالدى – ءىرى ءدارىحانا جەلىلەرىنە 30 000 داناسى تيەلىپ, جونەلتىلدى. الداعى كۇندەرى قوسىمشا 780 000 دانا تەرمومەتر كەلەدى دەپ كۇتىلۋدە.