مۇگەدەكتىگى بار جاندار 2020 جىلدىڭ 1 قاڭتارىنان باستاپ الەۋمەتتىك قىزمەتتەر پورتالى ارقىلى تەحنيكالىق وڭالتۋ قۇرالدارىنا (بۇدان ءارى – توق) جانە ارنايى الەۋمەتتىك قىزمەتتەرگە وزدەرى تاپسىرىس بەرە الاتىنى تۋرالى ءبىلۋى ءتيىس. بۇل تۋرالى "جەڭىس عاسىرى" قوعامدىق بىرلەستىگى حابارلاي وتىرىپ, وعان قول جەتكىزۋدىڭ جولدارىن تۇسىندىرەدى.
مۇمكىندىگى شەكتەۋلى ادامداردى وڭالتۋ قۇرالدارىمەن قامتاماسىز ەتۋ – پروتەزدىك-ورتوپەديالىق, سۋردوتەحنيكالىق, تيفلوتەحنيكالىق جانە گيگيەنالىق قۇرالداردى, سونداي-اق كرەسلو-اربالاردى ۇسىنۋدى قامتيدى. ارنايى الەۋمەتتىك قىزمەتتەرگە جەكە كومەكشىلەردىڭ, ىمداۋ ءتىلى ماماندارىنىڭ قىزمەتتەرى جانە ساناتورلىق-كۋرورتتىق ەمدەۋ جاتادى.
الەۋمەتتىك قىزمەت كورسەتۋ جۇيەسىن جاڭعىرتۋ, قىزمەتتەردىڭ ساپاسى مەن قولجەتىمدىلىگىن ارتتىرۋ ماقساتىندا 2020 جىلدىڭ 1 قاڭتاردان باستاپ ەلىمىزدىڭ بارلىق اۋماعىندا الەۋمەتتىك قىزمەتتەر پورتالى ەنگىزىلدى. پورتالدى ەنگىزۋ وڭالتۋ قىزمەتتەرىنە قاجەتتىلىكتى ەسەپكە الۋدىڭ اشىق ەمەستىگى فاكتورىن بولدىرماۋعا مۇمكىندىك بەرەدى. ەڭ باستىسى, قىزمەتتەر مەن وڭالتۋ قۇرالدارىنىڭ ولاردى الۋشىلاردىڭ جەكە قاجەتتىلىكتەرىنە سايكەس كەلمەۋى پروبلەماسىن شەشەدى, ويتكەنى مۇگەدەك ادامدار قاجەتتى تاۋار مەن قىزمەت ءتۇرىن وزدەرى تاڭداي الادى.
پورتال https://aleumet.egov.kz بۇل قىزمەت الۋشىلارعا تاۋارلاردى تىكەلەي الەۋمەتتىك قىزمەتتەر مەن تەحنيكالىق وڭالتۋ قۇرالدارىن جەتكىزۋشىلەردەن ءوز بەتىنشە ساتىپ الۋعا مۇمكىندىك بەرەتىن اۆتوماتتاندىرىلعان جۇيە. ول ءۇشىن مۇگەدەك ادامعا ەتسق-نى الدىن الا الۋ جانە الەۋمەتتىك قىزمەتتەر پورتالىنا سىلتەمە بويىنشا ءوتۋ قاجەت. http://aleumet.egov.kz.
پورتالدا توق-تىڭ 24 ءتۇرى ۇسىنىلادى. بۇل پروتەزدىك-ورتوپەديالىق قۇرالدار (كويلەكتەردى, ش ۇلىقتاردى كيۋگە, تۇيمەلەردى تۇيمەلەۋگە, ىدىستاردى ۇستاپ تۇرۋعا, كىلتتەردى ۇستاۋعا, قاقپاقتاردى اشۋعا ارنالعان قۇرالدار); سۋردو جانە تيفلو تەحنيكالىق قۇرالدار (كوحلەارلىق يمپلانتتارعا سويلەۋ پروتسەسسورلارى, داۋىس قۇراۋشى اپپارات, تەرمومەتر جانە سويلەۋ شىعۋى بار تونومەتر, تەست-جولاقتارى بار سويلەۋ شىعۋى بار گليۋكومەتر, برايل ءشريفتىنىڭ ءوزىن-ءوزى ۇيرەتۋشى, برايل بويىنشا جينالمالى الىپپە, ءجىپ ىلدىرگى, كورۋ قابىلەتى بۇزىلعان مۇگەدەكتەرگە ارنالعان تىگىن ينەلەرى), سونداي-اق گيگيەنالىق قۇرالدار (سىڭىرگىش اقجايمالار (جايالىقتار), ستومانىڭ اينالاسىنداعى تەرىنى قورعاۋعا جانە تەگىستەۋگە ارنالعان پاستا-گەرمەتيك, قورعانىس كرەمى, سىڭىرگىش ۇنتاق (ۇنتاق), ءيىس بەيتاراپتاندىرعىشى, تەرى تازارتقىش, دارەتحانا جانە ۆاننا بولمەلەرىنە ارنالعان تىرەۋىش قايىرمالى تۇتقالار).
بۇگىنگى كۇنى نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ تاپسىرىسى بويىنشا مەملەكەتتىك الەۋمەتتىك تاپسىرىس اياسىندا "جەڭىس عاسىرى" قوعامدىق بىرلەستىگى «اقپاراتتىق-ءتۇسىندىرۋ جۇمىسى جانە الەۋمەتتىك قىزمەتتەر پورتالىندا مەملەكەتتىك قىزمەتتەردى الۋ بويىنشا وقىتۋ كۋرستارىن وتكىزۋ» جوباسىن جۇزەگە اسىرىپ وتىر.
جوبا اياسىندا كەم دەگەندە 1000 مۇمكىندىگى شەكتەۋلى ادامدى قامتۋ جوسپارلانۋدا. ونىڭ ماقساتى-اقپاراتتىق-ءتۇسىندىرۋ جۇمىستارىن ۇيىمداستىرۋ جانە الەۋمەتتىك قىزمەتتەر پورتالىندا مەملەكەتتىك قىزمەتتەردى الۋ بويىنشا وقىتۋ كۋرستارىن وتكىزۋ https://aleumet.egov.kz/.
جوبا شەڭبەرىندە.
– اقپاراتتىق-ءتۇسىندىرۋ جۇمىستارىن ۇيىمداستىرۋ جانە الەۋمەتتىك قىزمەتتەر پورتالىندا مەملەكەتتىك قىزمەتتەردى الۋ بويىنشا وقىتۋ كۋرستارىن وتكىزۋ جوسپارلانعان.
– اقپاراتتىق-ءتۇسىندىرۋ جۇمىستارىن جۇرگىزۋ كەزىندە قىزمەت الۋشىلارعا انىقتامالار مەن وقۋ ماتەريالدارى ۇسىنىلاتىن بولادى.
پورتال تۋرالى تولىق اقپاراتتى مم «نۇر-سۇلتان قالالىسىنىڭ جۇمىسپەن قامتۋ جانە الەۋمەتتىك قورعاۋ باسقارماسى» دوستىق 13, «جانۇيا» ورتالىعى بەيبىتشىلىك 14, نەمەسە قب "جەڭىس عاسىرى" كەنەسارى 40, 1008 كەڭسەسىنەن بىلۋگە بولادى.