ازاماتتىق اۆياتسيا سالاسىندا نەگىزگى كورسەتكىشتەردىڭ ديناميكاسى تۇراقتى ءوسىپ كەلەدى. 2019 جىلدىڭ قورىتىندىسى بويىنشا 8,6 ملن.جولاۋشى تاسىمالداندى, بۇل 2018 جىلدىڭ سايكەس كورسەتكىشىنەن 9%-عا ارتىق (7,9 ملن). قر اۋەجايلارىندا قىزمەت كورسەتىلگەن جولاۋشىلار سانى 17,7 ملن ادامدى قۇرادى, بۇل 2018 جىلعا قاراعاندا 12%-عا كوپ (15,8 ملن ادام). بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
سوڭعى 7 جىلدا ترانزيتتىك جولاۋشىلار اعىنى 45 ەسەگە ارتتى. وتكەن جىلدىڭ قورىتىندىسى بويىنشا بۇل كورسەتكىش 1 ملن ترانزيتتىك جولاۋشىعا دەيىن ءوستى. ترانزيتتىك اۋە ۇشۋلارىنىڭ سانى 4%-عا ءوسىپ, 194,2 ملن ۇشاق-كيلومەتردى قۇرادى.
ەلىمىزدە 60 اۆياكومپانيا جۇمىس ىستەيدى. 9 قازاقستاندىق اۆياكومپانيانىڭ ەۋروپالىق وداق ەلدەرىنە ۇشۋعا رۇقساتى بار. قازىرگى ۋاقىتتا ىشكى نارىقتا 52 باعىت بويىنشا 7 قازاقستاندىق اۆياكومپانيا ۇشۋلاردى ورىندايدى.
بۇگىنگى كۇنى يكاو ستاندارتتارىنا سايكەس ۇشۋ قاۋىپسىزدىگى دەڭگەيى بويىنشا قازاقستان تمد ەلدەرى اراسىندا 74% كورسەتكىشپەن II ورىندا, اۋەجايلاردىڭ قاۋىپسىزدىك دەڭگەيى 83%-دى قۇرايدى. قازاقستاننىڭ اۆياتسيالىق قاۋىپسىزدىك سالاسىنداعى جەتىستىكتەرى 2019 جىلعى 24 قىركۇيەكتە يكاو كەڭەسىنىڭ ماراپاتىمەن اتاپ ءوتىلدى.
"100 ناقتى قادام" ۇلت جوسپارىنىڭ 68 قادامىن جۇزەگە اسىرۋ ءۇشىن قازاقستان ۇشۋ قاۋىپسىزدىگىنىڭ جاڭا ۇلگىسىنە كوشتى.
2019 جىلدىڭ 1 تامىزىنان باستاپ مەملەكەت 100% قاتىساتىن "قازاقستاننىڭ اۆياتسيالىق اكىمشىلىگى" اكتسيونەرلىك قوعامى جۇمىس ىستەي باستادى. وسى ۇيىمنىڭ نەگىزگى فۋنكتسيالارى اۆياكومپانيالار مەن اۋە كەمەلەرىن تەحنيكالىق باقىلاۋ جانە قاداعالاۋ, پەرسونالدى يكاو ستاندارتتارىنا سايكەس وقىتۋ بولىپ تابىلادى.
بۇگىن ازاماتتىق اۆياتسيا كوميتەتى 2 مەملەكەتتىك قىزمەت كورسەتەدى, وتكەن جىلدىڭ 1 تامىزىنان باستاپ زاڭناماعا ەنگىزىلگەن تۇزەتۋلەرگە سايكەس 20 مەملەكەتتىك قىزمەتتى قازاقستاننىڭ اۆياتسيالىق اكىمشىلىگى كورسەتەدى.