قازىر وبلىستا 4 مىڭعا جۋىق مەديتسينا قىزمەتكەرى كوروناۆيرۋس ينفەكتسياسىنىڭ تارالۋىنا بايلانىستى دياگنوستيكالاۋ, ءتيىستى مەكەمەگە جولداۋ جانە ەمدەۋ الگوريتمىن ۇيرەنۋدە, - دەپ حابارلايدى Egemen.kz
وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى نۇرلىبەك قابدىقاپاروۆتىڭ ءمالىم ەتۋىنشە, مەديتسينا قىزمەتكەرلەرىنىڭ كوپشىلىگى ستاتسيونارلاردا قاۋىپتى ىندەتپەن كۇرەسكە جۇمىلدىرىلادى.
"قاۋىپتى ىندەت تارالا باستاعاننان بەرى وبلىستا 115 مەديتسينا قىزمەتكەرى كوروناۆيرۋس ينفەكتسياسىن جۇقتىردى. ولاردىڭ اراسىندا 38 دارىگەر بار. وزگەلەرى ورتا جانە كىشى بۋىنداعى ماماندار. ەندى ولار ەمدەلىپ شىققان سوڭ ءوز مىندەتتەرىن اتقارۋعا كىرىسەدى", دەيدى نۇرلىبەك قابدىقاپاروۆ.