تابىس ءوسىپ, قارىز ەداۋىر ازايدى

قارجىنى اناعۇرلىم ءتيىمدى پايدالانا وتىرىپ, كرەديتتىك كورسەتكىشتەردى جاقسارتۋدىڭ جانە كومپانيانىڭ ۆاليۋتالىق تاۋەكەلدەرىن ازايتۋدىڭ ارقاسىندا كرەديتتى ءوز بەتىنشە تولەۋ قابىلەتى ارتتى.

مويناق سەس-ءىنىڭ اقش دوللارىنداعى نەسيەسىن كومپانيانىڭ حولدينگ دەڭگەيىندە جەرگىلىكتى ۆاليۋتادا قايتا قارجىلاندىرىپ, اقش دوللارىنداعى نەسيەنى جەرگىلىكتى ۆاليۋتاعا كونۆەرتاتسيالاعاننان كەيىن, ۆاليۋتا باعامىنىڭ قۇبىلمالىلىعىنا ۇشىراۋ اناعۇرلىم قىسقاردى. بۇل رەيتينگتەردىڭ راستالۋىنا ىقپال ەتتى. 2016 جىلعى 60%-بەن سالىستىرعاندا, 2019 جىلدىڭ سوڭىنا قاراي شەتەل ۆاليۋتاسىنداعى قارىز نەبارى 2%-دى قۇرادى. سول ارقىلى, اگەنتتىكتىڭ اتاپ وتۋىنشە, كومپانيالار توبى قارجىلىق يكەمدىلىگىن جانە ۆاليۋتالىق قاتەرلەرگە توتەپ بەرۋ قابىلەتتىلىگىن ارتتىردى.

راستالعان رەيتينگكە قوسا, شاردارا سەس-ءىنىڭ, مويناق سەس-ءىنىڭ جانە الماتى ەلەكتر ستانتسياسىنىڭ جاڭا ەنەرگيا بلوكتارى ءۇشىن كومپانيالار توبىنىڭ 2024-2028 جىلدارعا قۋاتقا جەكەلەگەن تاريفتەر الۋى تۋرالى اگەنتتىكتىڭ پىكىرى دە بەرىلگەن.

اگەنتتىك, تۇتاس العاندا كومپانيانىڭ تابىسى وسۋىمەن قاتار, قارىزىنىڭ ەداۋىر ازايعانىن جانە سونىڭ ارقاسىندا قارجىلىق كورسەتكىشتەرىنىڭ جاقسارعانىن اتاپ ءوتتى. ودان تىس, كومپانيانىڭ كرەديتتىك پورتفەلىنىڭ قۇرامىندا حالىقارالىق قارجىلىق ينستيتۋتتاردىڭ ۇلەسى 30%-تەن 42%-كە ۇلعايعانى اتاپ ءوتىلدى, بۇل قارىزدار پورتفەلىنىڭ ساپاسى جوعارى ەكەنىن بىلدىرەدى جانە كومپانيالار توبىنىڭ قارجىلىق كورسەتكىشتەرىن باعالاۋعا ايتارلىقتاي اسەر ەتەدى. كومپانيا بۇل ورايدا حالىقارالىق كرەديتورلارمەن ءارى قاراي تىعىز ىنتىماقتاسۋدى جوسپارلاپ وتىر.

كومپانيا 100 پايىز مەملەكەت مەنشىگىنە قاراستى. ەلىمىزدە 2019 جىلى گەنەراتسيالانعان ەلەكتر ەنەرگياسىنىڭ شامامەن 30%-ى جانە جالپى وندىرىلگەن كومىردىڭ شامامەن 40%-ى سامۇرىق-ەنەرگونىڭ ۇلەسىندە. سامۇرىق-ەنەرگو دەفولتقا ۇشىراي قالسا, ونىڭ الەۋمەتتىك-ەكونوميكالىق سالدارىن اگەنتتىك ورتاشا دەپ باعالاپ, كومپانيا ءوز مىندەتتەمەلەرىن ورىنداي الماعان جاعدايدا, ەنشىلەس قۇرىلىمداردىڭ وپەراتسيالىق قىزمەتىنىڭ باسىم بولىگى جالعاسا بەرەدى دەپ پىكىر ءبىلدىردى.