يسلام قارجىسى سالاسىنداعى حالىقارالىق ءبىلىم بەرۋ ورتالىعىنىڭ پرەزيدەنتى جانە باس ديرەكتورى پروفەسسور داتو, دوكتور موحد ازمي ومار وسىنداي پىكىر ءبىلدىردى, - دەپ حابارلايدى Egemen.kz
ول ءۇشىن يسلام قارجىسى سالاسىندا زاڭنامانى ودان ءارى دامىتۋ جانە جاڭا فينتەح-شەشىمدەردىڭ پايدا بولۋى ءۇشىن جاعداي جاساۋ ماڭىزدى دەپ ەسەپتەيدى ساراپشى.
"يسلامدىق قارجىلاندىرۋدا جۇمىس ىستەيتىن بارلىق كاسىپورىن تسيفرلىق فورماتقا ءوتۋى ءۇشىن جاعداي جاساۋ قاجەت. احقو بۇعان كومەكتەسە الادى" دەپ اتاپ ءوتتى سپيكەر.
ونىڭ پىكىرىنشە, فينتەح-كومپانيالار نارىققا p2p شەشىمدەرىن ۇسىنا الادى, ياعني ءبىر جۇيەنىڭ قاتىسۋشىلارى اراسىنداعى قارجىلاندىرۋ, كراۋدفاندينگ. بۇل اقشا شوب قارجىلاندىرۋ ءۇشىن پايدالانىلۋى مۇمكىن. سەكتور كومپانيالارىنىڭ دامۋىنا كومەكتەسەتىن يكەمدى زاڭنامانىڭ ارقاسىندا قازاقستان بۇكىل ورتالىق ازيادا يسلام قارجى قىزمەتتەرىن تاراتۋ ورتالىعىنا اينالۋى مۇمكىن.
"ينفراقۇرىلىمدى تاراتۋدان باسقا, قارجىلىق ساۋاتتىلىقتى دا تاراتۋ ماڭىزدى. ينۆەستورلاردى اقشانى قالاي سالۋعا جانە قولجەتىمدى قۇرالداردى ءتيىمدى پايدالانۋعا ۇيرەتۋ كەرەك", دەدى كونفەرەنتسيادا ءسوز العان تاعى ءبىر يسلامدىق قارجى قىزمەتى جونىندەگى ساراپشى مەحدي بەنسليمان.