تۇرعىندار وليمپياداعا قارسى

ساۋالداماعا قاتىسقان تۇرعىنداردىڭ 51,7 پايىزى 2021 جىلعى وليمپيا ويىندارى وتكىزىلمەسە ەكەن دەپ تىلەيدى. ال ونىڭ ىشىندەگى 27,7 پايىزى ءتورت جىلدىقتىڭ باستى دوداسىنىڭ مۇلدە وتكىزىلمەگەنىن قالاسا, 24 پايىزى كەيىنىرەك وتكىزۋدى قولداپ داۋىس بەرگەن.

وليمپيا ويىندارىن كەلەسى جىلى وتكىزۋگە قارسى بولماعان 31,1 پايىزى بايراقتى باسە­كەنى قىسقارتىلعان جاعدايدا جانە جان­كۇيەر­لەرسىز وتكىزۋ كەرەك دەگەن يدەيانى قول­دايدى. قالعان 15,2 پايىز تۇرعىن وليم­پيادانىڭ ءوز ۋاقىتىندا وتۋىنە قارسى ەمەس.

ەسكە سالا كەتەيىك, ناۋرىز ايىنىڭ سوڭىندا حالىقارالىق وليمپيادا كوميتەتى كوروناۆيرۋس پاندەمياسىنا بايلانىستى 2020 جىلعى توكيو وليمپياداسىن 2021 جىلعا اۋىستىرعان بولاتىن. حالىقارالىق دودا كەلەسى جىلدىڭ 23 شىلدەسى مەن 8 تامىزى ارالىعىندا وتەتىن بولىپ بەكىتىلدى.