التاي كولگىنوۆ بىرقاتار نوسەر كارىزى مەن تازارتۋ قۇرىلعىسىنىڭ قۇرىلىسىمەن تانىستى, - دەپ حابارلايدى ەلوردا اكىمدىگىنىڭ رەسمي سايتى.
"جاستار" شاعىن اۋدانىنداعى جاڭا قۇرىلىستاردىڭ قۋاتى تاۋلىگىنە 42 مىڭ تەكشە مەتردەن اسادى. بۇل نوسەرلىك سۋ كاناليزاتسياسىنىڭ وتكىزۋ قابىلەتىن ايتارلىقتاي جاقسارتۋعا مۇمكىندىك بەرەدى", دەپ جازدى ءوزىنىڭ Instagram پاراقشاسىندا نۇر-سۇلتان قالاسىنىڭ اكىمى التاي كولگىنوۆ.
تازارتۋ قۇرىلعىلارى تاشەنوۆ, باراەۆ, ءۋاليحانوۆ, يمانباەۆ جانە رەسپۋبليكا داڭعىلدارىن جاڭبىر سۋى باسۋدان قاۋىپسىزدەندىرەدى. جۇمىستاردى اياقتاۋ مەرزىمى – 2021 جىل.
"تاشەنوۆ كوشەسىندەگى ۇزىندىعى 530 مەتردى قۇرايتىن نوسەرلى كوللەكتور جەلىلەرىن تازارتتىق. 34 توننادان استام قوقىس شىعارىلدى. وسى ۋاقىتتا دەيىن جينالىپ قالعان قوقىس كوللەكتور جۇمىسىن قيىنداتتى. بيىل كۇزدە ب.مومىش ۇلى داڭعىلىنداعى (داۋىلپاز كوشەسىنەن ەلىم-اي كوشەسىنە دەيىن) پروبلەمالىق ۋچاسكەسىندە نوسەرلى كارىز ماگيسترالدى كوللەكتورىنىڭ قۇرىلىسىن اياقتايمىز", – دەدى التاي كولگىنوۆ.
وسى جىلدىڭ اياعىنا دەيىن تەلمان ەلدى-مەكەنىندەگى تازارتۋ قۇرىلعىلارى مەن ماگيسترالدى كوللەكتور قۇرىلىسى اياقتالادى. قۋاتى تاۋلىگىنە 36 مىڭ تەكشە مەتردەن اسادى. جوبانى ىسكە اسىرۋ تەلمان ەلدى-مەكەنى مەن № 27 كوشە بويىنداعى قۇرىلىس ايماعىنان جەر ءۇستى اعىندارىن بۇرۋعا مۇمكىندىك بەرەدى.
سونىمەن بىرگە جۇمىس ىستەپ تۇرعان كوللەكتورلاردى تازارتۋ بويىنشا جۇمىستار جۇرگىزىلىپ جاتىر. 354 كم-ءدىڭ 134 كم-ءى تازارتۋ جۇمىستارىن قاجەت ەتەدى. 2019 جىلى مىڭجىلدىق اللەياسى اۋماعىندا ەكى ۋچاسكەدەگى نوسەرلىك سۋ كارىزىنىڭ ماسەلەسى شەشىلدى.