2020 جىلعى 30 ماۋسىمدا قازاقستان رەسپۋبليكاسىنىڭ سينگاپۋر, جاڭا زەلانديادا جانە اۋستراليا وداعىنداعى ەلشىسى اركەن ارىستانوۆ جاڭا زەلانديانىڭ گەنەرال-گۋبەرناتورى پەتسي رەدديگە سەنىم گراموتالارىن تاپسىردى.
ءراسىم ونلاين فورماتىندا ەكى ەل تاريحىندا العاشقى رەت وتكىزىلدى. سۇحبات بارىسىندا قازاقستان ەلشىسى پەتسي رەددي مەن جاڭا زەلانديانىڭ حالقىنا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ اتىنان ىزگى تىلەكتەرىن جەتكىزدى.
ا.ارىستانوۆ بيىل قازاقستان مەن جاڭا زەلانديا ديپلوماتيالىق قارىم-قاتىناستارعا 28 جىل تولعاندىعىن اتاپ ءوتتى. ەكى ەل اراسىنداعى قارىم-قاتىناستار ورتاق مۇددەلەرگە نەگىزدەلگەن جانە ودان ءارى كەڭەيتۋ ءۇشىن ايتارلىقتاي الەۋەتتى كورسەتەدى. قازاقستان ساۋدا-ەكونوميكالىق ىنتىماقتاستىقتى, سونداي-اق ادامدار اراسىنداعى بايلانىستاردى جانداندىرۋعا تىرىسادى. مەملەكەتتىك سەكتوردى رەفورمالاۋ, ءتيىمدى ەكونوميكالىق باسقارۋ جانە جاڭا زەلاندياداعى ادامي كاپيتالىن دامىتۋ قازاقستان ۇكىمەتى ءۇشىن ەرەكشە قىزىعۋشىلىق تۋدىرادى. كليماتتى قورعاۋ, جاڭارتىلاتىن ەنەرگيا, اۋىل شارۋاشىلىعى جانە تەحنولوگيالار ترانسفەرتى سياقتى سالالارداعى ودان ءارى ىنتىماقتاستىقتىڭ دا الەۋەتى زور.
ءوز كەزەگىندە پەتسي رەددي قازاقستاندى اۋقىمدى ساياسي جانە ەكونوميكالىق جەتىستىكتەرىمەن قۇتتىقتاپ, ەكى ەل اراسىنداعى قاتىناستاردىڭ دوستىق جانە سىندارلى سيپاتىن اتاپ ءوتتى. گەنەرال-گۋبەرناتور ءوز سوزىندە ساۋدا-ەكونوميكالىق جانە ينۆەستيتسيالىق سەرىكتەستىكتى كەڭەيتۋگە, سونداي-اق كوپجاقتى ترەكتەگى ىنتىماقتاستىقتى تەرەڭدەتۋگە ءوزارا قىزىعۋشىلىقتى باسا ايتتى. پ. رەددي پاندەميانىڭ جاقىن ارادا اياقتالۋىنا ءۇمىتىن ءبىلدىردى جانە قازاقستان ەلشىسىن 2021 جىلعى 6 اقپاندا وتكىزىلەتىن ەلدىڭ ۇلتتىق كۇنىن اتاپ ءوتۋ ءۇشىن جاڭا زەلاندياعا شاقىردى.