وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, شەتەلدىك كولىك بۇگىن تۇندە ماحامبەت اۋدانىنىڭ اۋماعىندا ورتەنگەن, - دەپ حابارلايدى Egemen.kz.
"دەپارتامەنتتىڭ ديسپەتچەرلىك قىزمەت پۋلتىنە 1 شىلدەدە ساعات 01:43-تە تانداي اۋىلىنان 6 شاقىرىم جەردە اۆتوكولىكتىڭ ورتەنىپ جاتقانى تۋرالى حابار ءتۇستى. وقيعا ورنىنا ءورت سوندىرۋشىلەر جەتكەن كەزدە "Renault Magnum 440" ماركالى فۋرانىڭ كابيناسى مەن قوزعالتقىش بولىگى ورتەنىپ جاتتى. ءورتتى سوندىرۋگە اۆاريالىق-قۇتقارۋ جۇمىستارى قىزمەتىنىڭ 4 قىزمەتكەرى مەن 1 تەحنيكاسى جۇمىلدىرىلدى. جالىن ساعات 02:43-تە تولىعىمەن جويىلدى", - دەپ حابارلادى دەپارتامەنتتىڭ ءباسپاسوز قىزمەتى.
ماماندار ءورتتىڭ شىعۋ سەبەبىن انىقتاپ جاتىر.