اقتوبە وبلىسىنىڭ پوليتسەيلەرى الاياقتاردىڭ ارباۋىنا تۇسپەۋ كەرەكتىگىن, تانىس ەمەس ادامعا سەنىم بىلدىرمەۋ قاجەتتىگىن ەسكەرتەدى. بۇل تۋرالى ءىىم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
اقتوبە وبلىسىنىڭ پوليتسيا دەپارتامەنتى اقتوبەلىكتەردى الاياقتاردىڭ قۇربانى بولماۋ ءۇشىن بەيتانىس ادامدارعا سەنبەۋگە جانە ولاردان ساق بولۋعا شاقىرادى. بەيتانىس ادامدارعا باعالى زاتتاردى نەمەسە اقشانى بەرۋ كەزىندە قىراعىلىق كورسەتىپ, قايتا تەكسەرۋ قاجەت.
ماسەلەن, 2020 جىلدىڭ ناۋرىز ايىندا العا اۋدانى قۇمساي اۋىلىنىڭ 30 جاستاعى تۇرعىنى ورتالىق بازاردىڭ ماڭىندا تاۋار اينالىمىن سىلتاۋراتىپ 30 جاستاعى اقتوبەلىكتىڭ اقشاسىن الىپ كەتكەن. سەنىم بىلدىرگەن ايەل الاياققا 700 مىڭ تەڭگە بەرگەن. پوليتسياعا تەك 2020 جىلدىڭ ماۋسىم ايىندا عانا ارىزدانعان. كۇدىكتىدەن ەشقايدا كەتپەۋ تۋرالى قولحاتى الىندى.
2020 جىلدىڭ ناۋرىز ايىندا 1989 جىلى تۋعان اقتوبەلىك ولەگ كوشەۆوي كوشەسىندەگى ءۇيدىڭ اۋلاسىندا الداۋ جولىمەن 1961 جىلى تۋعان اقتوبەگە تيەسىلى ۆەلوسيپەدتى الىپ كەتكەن. پوليتسياعا 2020 جىلدىڭ ماۋسىمىندا ايەلدەن حابارلاما كەلىپ ءتۇستى. كۇدىكتىدەن ەشقايدا كەتپەۋ تۋرالى قولحاتى الىندى.
24 ماۋسىم كۇنى 1983 جىلى تۋعان اقتوبەلىك "جانار" ساۋدا ءۇيىنىڭ جانىندا الداۋ جولىمەن 1968 جىلى تۋعان تۇرعىننىڭ "وررو" ماركالى ۇيالى تەلەفونىن الىپ كەتكەن. كۇدىكتى جەدەل-ىزدەستىرۋ ءىس-شارالارىن جۇرگىزۋ بارىسىندا قولعا ءتۇستى. كۇدىكتىنىڭ وسىنداي قىلمىستاردى جاساۋعا قاتىستىلىعى تەكسەرىلىپ جاتىر. كۇدىكتىدەن ەشقايدا كەتپەۋ تۋرالى قولحاتى الىندى.
بارلىق فاكتىلەر بويىنشا قر قك 190-بابى "الاياقتىق" بويىنشا سوتقا دەيىنگى تەرگەۋ جۇرگىزىلىپ جاتىر.