كوروناۆيرۋستىق ينفەكتسيانى تۇراقتاندىرۋ جونىندەگى شارالار تۋرالى دەنساۋلىق ساقتاۋ ءمينيسترى الەكسەي تسوي ايتىپ بەردى, - دەپ حابارلايدى Egemen.kz
"قازىرگى تاڭدا ەلدەگى جاعداي "ينفەكتسيانىڭ ۇيدە تارالۋى" دەڭگەيىنە ءوتتى. ۆيرۋس حالىق اراسىندا تارالىپ جاتىر. وكىنىشكە وراي, ءاربىر وتباسى وسى ۆيرۋسپەن بەتپە-بەت كەلدى دەپ ايتۋعا بولادى", دەدى مينيستر.
ونىڭ ايتۋىنشا, COVID-19 ينفەكتسياسىنىڭ تارالۋى كۇن سايىن ارتىپ كەلەدى. 30 ماۋسىمداعى ەسەپ بويىنشا ەلىمىزدە 40 مىڭداي ادام ۆيرۋس جۇقتىرعان. "سوڭعى كەزدەرى مەديتسينالىق ورتالىقتار ۇزدىكسىز جۇمىس ىستەپ جاتىر, مەديتسينا قىزمەتكەرلەرى دە ناۋقاستارمەن ۇنەمى بايلانىستا بولعاندىقتان, وزدەرى دە اۋىرىپ قالىپ جاتىر. بۇل كادر تاپشىلىعىنا اكەلىپ سوعۋدا. بىراق, قاجەتتى قۇرالدار جەتكىلىكتى, سونىڭ نەگىزىندە جۇمىس ىستەلىپ جاتىر", دەدى ا. تسوي.