ورتالىق كوممۋنيكاتسيالار قىزمەتىندە ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ونلاين-رەجىمدە حالىققا ەسەپ بەرۋ كەزدەسۋىن وتكىزدى. جيىن بارىسىندا ۆەدومستۆو باسشىسى ءارتۇرلى الەۋمەتتىك سالاداعى اتقارىلعان اۋقىمدى شارالارعا توقتالدى.
مينيستر مەملەكەت حالىققا زەينەتاقى مەن جاردەماقى تۇرىندەگى الەۋمەتتىك تولەمدەردىڭ 39 تۇرىنە كەپىلدىك بەرەتىنىن جانە جۇمىس ىستەيتىن ازاماتتار مىندەتتى الەۋمەتتىك ساقتاندىرۋ جۇيەسىنەن 5 الەۋمەتتىك تاۋەكەل بويىنشا تولەم الاتىنىن العا تارتتى.
ونىڭ ايتۋىنشا, «مىندەتتى الەۋمەتتىك ساقتاندىرۋ تۋرالى» زاڭدى ىسكە اسىرۋ شەڭبەرىندە 2020 جىلعى 1 قاڭتاردان باستاپ مەملەكەتتىك الەۋمەتتىك ساقتاندىرۋ قورىنان تولەنەتىن تولەمدەر مولشەرى: ەڭبەك ەتۋ قابىلەتىنەن ايىرىلعان جاعدايدا – 74,4 مىڭ ادام ءۇشىن 69%-عا, اسىراۋشىسىنان ايىرىلعان جاعدايدا – 44,8 مىڭ ادام ءۇشىن 41%-عا, جۇمىسىنان ايىرىلعان جاعدايدا – 2,5 مىڭ ادام ءۇشىن 44%-عا ۇلعايدى. مىندەتتى الەۋمەتتىك ساقتاندىرۋ جۇيەسىنەن 194,2 ملرد تەڭگە سوماسىنا 825,2 مىڭ ادام تولەم الدى.
بيىل 1 قاڭتاردان باستاپ ىنتىماقتى زەينەتاقىلار 7%-عا, بازالىق زەينەتاقىلار 5%-عا ۇلعايدى. 1 ساۋىردەن باستاپ زەينەتاقىنىڭ ەكى ءتۇرى تاعى 5%-عا ارتتىرىلدى. ناتيجەسىندە, ىنتىماقتى زەينەتاقى مولشەرى جىلدىق ماندە –12%-عا, بازالىق زەينەتاقى مولشەرى – 10%-عا ۇلعايدى.
ايتا كەتەتىن تاعى ءبىر جايت, رەسپۋبليكالىق بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان بالالى وتباسىلاردى الەۋمەتتىك قولداۋعا ارنالعان شىعىستار 2019 جىلمەن سالىستىرعاندا 209,5 ملرد تەڭگەگە ءوستى. 2019 جىلى وسى ماقساتتارعا 372 ملرد تەڭگە جۇمسالسا, 2020 جىلى بالالارى بار وتباسىلاردى قولداۋعا جالپى 581,5 ملرد تەڭگە ءبولىنىپ وتىر.
سونىمەن قاتار مينيسترلىك اتاۋلى الەۋمەتتىك كومەك كورسەتۋ تەتىكتەرىن جەتىلدىرۋدى جوسپارلاپ وتىر ەكەن.
ء«بىر جارىم جىلدان از ۋاقىت ىشىندە ااك كورسەتۋ تەتىكتەرى ەكى رەت جەتىلدىرىلدى. 2019 جىلعى 1 ساۋىردەن باستاپ ااك تاعايىنداۋ كريتەريى ەڭ تومەنگى كۇنكورىس دەڭگەيىنەن 50%-دان 70%-عا دەيىن (14 849-دان 20 789 تەڭگەگە دەيىن) كوتەرىلدى. 2020 جىلعى 1 قاڭتاردان باستاپ اتاۋلى الەۋمەتتىك كومەك كورسەتۋدىڭ جاڭا مودەلى ەنگىزىلدى, بۇل مىنالاردى قاراستىرادى: 4 جانە ودان دا كوپ بالاسى بار وتباسىلارعا مەملەكەتتىك جاردەماقى تولەۋ ء(ار بالاعا ايىنا ورتاشا 11 112 تەڭگەدەن), ااك كورسەتۋ (بالالاردى قوسا العاندا, وتباسىنىڭ ءاربىر مۇشەسىنە ايىنا ورتاشا 11 117 تەڭگەدەن), تابىسى از وتباسىلاردىڭ بالالارى ءۇشىن كەپىلدىك بەرىلگەن الەۋمەتتىك توپتاما ۇسىنۋ (1 جاستان 6 جاسقا دەيىنگى بالالار ءۇشىن ازىق-ت ۇلىك جانە تۇرمىستىق جيىنتىق, 6 جاستان 18 جاسقا دەيىنگى بالالار ءۇشىن مەكتەپ فورماسى مەن وقۋعا كەرەك-جاراقتار, مەكتەپتە تاماقتانۋ, جەڭىلدىكپەن جول ءجۇرۋ). سونداي-اق ااك الۋشىلارعا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە ومىرلىك قيىن جاعدايدان شىعۋ ءۇشىن كەڭ مۇمكىندىكتەر بەرىلدى. ناقتىراق ايتساق, تەگىن وقىتۋ, جۇمىسقا ورنالاستىرۋ, ءوز ءىسىن اشۋ ءۇشىن قايتارىمسىز گرانتتار مەن ميكروكرەديتتەر بەرۋ», دەدى ب.نۇرىمبەتوۆ.
بۇعان قوسا, ول مۇگەدەكتىگى بار ادامدارعا قولداۋ كورسەتۋ – مينيسترلىك جۇمىسىنىڭ ەڭ باستى باسىمدىقتارىنىڭ ءبىرى. ماسەلەن, ەرەكشە قاجەتتىلىكتەرى بار ادامداردى الەۋمەتتىك قولداۋدى كۇشەيتۋ جانە ولاردى قوعام ومىرىنە تارتۋ ماقساتىندا 19 نورماتيۆتىك-قۇقىقتىق اكتىگە وزگەرىستەر ەنگىزىلگەن, دەدى.