قازىر وبلىس اۋماعىندا 924 ءدارىحانا تۇرعىندارعا قىزمەت كورسەتەدى. تالاپتاردى ساقتاماعان دارىحانالارعا شارالار قولدانىلادى. دارىلىك زاتتاردى تاعايىنداۋ ەمحانالاردا جانە كاسىبي مامانداردىڭ نۇسقاماسى نەگىزىندە جۇرگىزىلەدى.
انتيبيوتيك دارىلىك زاتتارى بولشەك ساۋدادا رەتسەپتسىز بوساتىلعان جاعدايدا, قر اكىمشىلىك قۇقىق بۇزۋشىلىقتىڭ 426-بابىنىڭ 1 تارماعىنا سايكەس, اكىمشىلىك شارا قولدانىلادى.
اتاپ ايتقاندا, قىزمەت كورسەتۋشى تۇلعاعا 70 اەك, لاۋازىمدى تۇلعاعا 100 اەك رەتىندە, كىشى كاسىپكە 130 اەك, ورتا كاسىپكە 200 اەك, ءىرى كاسىپكە 1000 اەك كولەمىندە ايىپپۇل سالىنادى.
وسى اتالعان جايت 1 جىل ىشىندە قايتالانسا, فارماتسەۆتيكالىق قىزمەتپەن اينالىساتىن كاسىپكەرلەر 6 ايعا دەيىن فارماتسەۆتيكالىق قىزمەتكە ليتسەنزياسى توقتاتىلادى.
سونىمەن قاتار, ءدارى-دارمەك باعاسىن شەكتىك باعادان اسىرعان ءدارىحانانا يەلەرىنە دە شارا قولدانىلادى.
شەكتىك باعانى كەز-كەلگەن ازامات اندرويد جەلىسىندە «dariKZ» ءموبيلدى قوسىمشاسىن جۇكتەۋ ارقىلى بولشەك ساۋدادا ساتىلاتىن نەمەسە بوساتىلاتىن دارىلىك زاتتاردىڭ شەكتى باعاسىن باقىلاۋعا مۇمكىندىگى بار.
ەگەر دە باعا شەكتىك سومادان اسىپ كەتسە, تۇبىرتەگىن الىپ, زاڭ اياسىندا ارىزدانۋعا بولادى.