تۇتىنۋشىلاردىڭ قۇقىعىن قورعاۋ ماسەلەلەرى جونىندەگى زاڭعا قول قويىلدى

زاڭ تۇزەتۋلەرىنىڭ توپتاماسى 2015 جىلعى 22 جەلتوقسانداعى تۇتىنۋشىلاردىڭ مۇددەلەرىن قورعاۋ ماسەلەلەرى بويىنشا بۇۇ-نىڭ مىزعىماس قاعيداتتارى نەگىزىندە قالىپتاستى. بۇل:

- ءوز حالقىن تۇتىنۋشىلار رەتىندە تيىسىنشە قورعاۋدى قامتاماسىز ەتۋ;

- كاسىپكەرلەردى ءتارتىپتىڭ ەتيكالىق نورمالارىن قاتاڭ ساقتاۋعا شاقىرۋ, كليەنتكە باعىتتالعان بيزنەستى قولداۋ;

- تۇتىنۋشىلاردىڭ تاۋەلسىز توپتارىن قۇرۋعا ىقپال ەتۋ, قوعامدىق باقىلاۋدى كۇشەيتۋ;

- تۇتىنۋشىلىق داۋلاردى رەتتەۋدىڭ ءتيىمدى تەتىكتەرىن جانە تۇتىنۋشىلاردى قۇقىقتىق قورعاۋ قۇرالدارىن ەنگىزۋ.

اتاپ ايتقاندا, زاڭ مەن جاڭا ەرەجەلەر مەن فورماتتاردى:

- شاعىمداردى قاراۋدىڭ 3-ساتىلى جۇيەسىن;

-  تاۋارلاردى, جۇمىستاردى جانە قىزمەتتەردى ساتۋ ورىندارىندا ساتۋشىنىڭ, ۋاكىلەتتى ورگاننىڭ جانە سوتقا دەيىنگى رەتتەۋ سۋبەكتىلەرىنىڭ بايلانىستارىن ورنالاستىرماعانى ءۇشىن, سونداي-اق تاۋارلاردى ايىرباستاۋ نەمەسە اقشانى قايتارۋدان باس تارتۋ جانە تۇتىنۋشىلاردىڭ شاعىمدارىن ەلەمەۋ ۇشىن كاسىپكەرلەردىڭ جاۋاپكەرشىلىگى;

- تۇتىنۋشىلاردىڭ زاڭدى مۇددەلەرى وكىلدەرىنىڭ جانە سوتقا دەيىنگى رەتتەۋ سۋبەكتىلەرىنىڭ ءتىزىمىن;

- ساتۋشى, سوتقا دەيىنگى رەتتەۋ سۋبەكتىلەرى مەن ۋاكىلەتتى ورگاننىڭ ساتىلارىنداعى وتىنىشتەردى قاراۋ تەتىكتەرىن;

- تۇتىنۋشىلاردىڭ قۇقىقتارىن قورعاۋ سالاسىنداعى شاعىمداردى قابىلداۋدىڭ بىرىڭعاي اقپاراتتىق جۇيەسىن;

- قازاقستان رەسپۋبليكاسى ۇكىمەتى جانىنداعى تۇتىنۋشىلاردىڭ قۇقىقتارىن قورعاۋ جونىندەگى ۆەدومستۆوارالىق كەڭەستى ەنگىزۋ جانە قۇرۋ قاراستىرىلعان.