بۇلاننىڭ اجالى

ەكى ءمۇيىزى بىردەي سىنىپ, دەنەسىنىڭ ءار-ءار جەرىندە جاراقاتى بار جابايى اڭدى وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ قىزمەتكەرلەرى, پوليتسيا, قۇتقارۋشىلار جانە جەرگىلىكتى تۇر­عىندار بار, ءبارى جابىلىپ ۇستاي الماعان سوڭ, قارا­عاندىداعى حايۋاناتتار باعىنا حابار­لاسقان.

تەمىرتاۋعا جەدەل جەتكەن ۆەتەرينار مامان مەن عىلىمي قىزمەتكەر جانىنا ادام تاقالتپاي تۇرعان تاعىنى جانسىزداندىراتىن ارنايى دارىمەن اتىپتى. بىراق جانۋارعا پرەپاراتتىڭ ۋىتى اسەر ەتە قويماعان. سودان كەيىن بارىپ بۇلاندى بۇعالىقتىڭ كومەگىمەن ۇستاۋعا تۋرا كەلىپتى.

قاراعاندىنىڭ حايۋاناتتار باعىنا امان-ەسەن جەتكىزىلگەننەن كەيىن, ۆەتەرينار ماماندار بۇلانعا ءتيىستى ەم-دومدى جاساعان. اياقتارى مەن القىم تۇسىنداعى جاراقاتتارىن جۋىپ-شايىپ, ماي جاعىپ, انتيبيوتيك ەگىپتى. مامانداردىڭ ايتۋىنشا, جارالى جانۋار شامامەن العاندا ءبىر جارىم جاستاعى ەركەك بۇلان ەكەن.

وكىنىشكە قاراي, بۇلانعا ەم-دوم قونبادى. دالانىڭ ەركە جانۋارى ەرتەسىنە جان تاپسىرىپتى.

ماماندار بۇلاندى سويىپ, اعزاسىنا تەكسەرۋ جۇرگىزگەندە, ونىڭ وكپەسى مەن باۋىرىنىڭ قابىنعانىن جانە جۇرەك-تامىر قىزمەتىنىڭ جەتكىلىكسىزدىگىن انىقتاعان. ال سوڭعى ءتۇيىندى ءسوزدى ۆەتەرينار مامان ايتىپتى: بۇلاننىڭ اجالى ميوكارد ينفاركتىسىنەن بولعان ەكەن.

قاراعاندى