بيىل 39,9 ملرد تەڭگەگە 700 شاقىرىم جول جوندەلەدى. بىراق ساپاسى قالاي بولماق؟ وبلىستىق سىبايلاس جەمقورلىققا قارسى ءىس-قيمىل جونىندەگى دەپارتامەنتى "ساپالى جول" جوباسى اياسىندا تەكسەرىستەر ۇيىمداستىردى, دەپ حابارلايدى Egemen.kz
ازىرگە 5 تەكسەرىس ۇيىمداستىرىلدى. تەكسەرىس بارىسىندا 15 كەمشىلىك انىقتالدى.
دەپارتامەنت سونداي-اق مەملەكەتتىك ساتىپ الۋلارعا قاتىستى دا مونيتورينگ جۇرگىزۋدى قولعا العان.
ء"ار بولىنگەن تيىن-تەبەننىڭ قالاي جۇمسالىپ جاتقانىن باقىلايمىز. مۇمكىن بىلمەستىكتەن, كەيدە ادەيى ءبىر زاتتىڭ باعاسىن كوتەرىپ جاتادى. بۇل ارەكەتتەرگە توسقاۋىل قويامىز. وبلىس بويىنشا جىل باسىنان 22 لوت بويىنشا باعانىڭ اسىرا سىلتەۋىنە جول بەرمەي, 45 ملن تەڭگە سوماسىندا قارجىنى ۇنەمدەۋگە قول جەتكىزدىك", دەيدى وبلىستىق سىبايلاس جەمقورلىققا قارسى ءىس-قيمىل جونىندەگى دەپارتامەنتى باسشىسىنىڭ ءبىرىنشى ورىنباسارى ارمان بەردالين.
"قوعامدىق باقىلاۋ كارتاسى" اياسىندا بۇگىندە مەملەكەتتىك قازىنا قارجىسىنا باقىلاۋ كۇشەيىپ وتىر.