قارۋلى كۇشتەردە جۇرگىزىلىپ جاتقان قايتا جاراقتاندىرۋ اياسىندا سۋ جاڭا ءتورت مي-35م كوپفۋنكتسيونالدى تىكۇشاعى ەلىمىزدىڭ باتىسىنداعى قازاقستاننىڭ اسكەري-اۋە كۇشتەرىنىڭ اۆياتسيالىق بازاسىنا كەلدى, - دەپ حابارلايدى Egemen.kz.
جوعارى ۇشۋ-تەحنيكالىق سيپاتتامالارى بار مي-35م ءارتۇرلى مەتەوجاعدايلاردا ءتيىمدى قولدانۋعا مۇمكىندىگى بار. نەگىزگى اتالعان فۋنكتسيالارىنان باسقا مي-35م تىكۇشاعى جەكە قۇرام مەن جۇكتەردى تاسىمالداۋ, ناۋقاستار مەن جارالانعانداردى مەديتسينا قىزمەتكەرىنىڭ ەرىپ جۇرۋىمەن تاسىمالداۋ ءۇشىن پايدالانىلۋى مۇمكىن. ۇشقىشتار مەن ينجەنەرلىك-تەحنيكالىق قۇرام تىكۇشاقتاردىڭ وسى تۇرلەرىنە تەوريالىق جانە پراكتيكالىق قايتا وقىتۋدان ءوتتى.
ايتا كەتەيىك, تىكۇشاقتاردى جەتكىزۋ قازاقستان مەن رەسەي اراسىنداعى اسكەري-تەحنيكالىق ىنتىماقتاستىق, سونداي-اق قر قورعانىس مينيسترلىگى مەن "روسوبورونەكسپورت" كاسىپورنى اراسىنداعى شارت شەڭبەرىندە جۇزەگە اسىرىلدى.