ناتيجەسىندە جىل سوڭىندا قوسىمشا 1,5 ملن ليتر ءسۇت, 40 ملن دانا جۇمىرتقا, 2 مىڭ توننادان اسا قۇس ەتى, 2 500 توننا ەت ءوندىرىلىپ, 210 جاڭا جۇمىس ورنى اشىلاتىن بولادى.
قالا اكىمىنىڭ ورىنباسارى ە.سادىر اۋىل شارۋاشىلىعى نىساندارىنا ارنايى بارىپ, جۇمىستارىمەن تانىستى.
العاش بولىپ جك "نورمۋحامەدوۆ" شارۋا قوجالىعىنا باردى. جك "نورمۋحامەدوۆ" - 2007 جىلدان بەرى بال اراسىن دامىتىپ وتىرعان شارۋاشىلىق. جىلىنا 100,0 توننادان استام بال وندىرەدى. بۇگىندە 5000-نان استام بال ارا ۇياسى بار.
ال, "زەرتاس" شق ء سۇت فەرماسى 2019 جىلى اۆستريا ەلىنەن جەڭىلدەتىلگەن نەسيە جانە مەملەكەتتىك قولداۋ ارقىلى 128 باس ءسۇتتى-ەتتى باعىتتاعى (سيممەنتال) اسىل تۇقىمدى سيىرلارىن اكەلگەن. بۇگىنگى تاڭدا شارۋاشىلىقتا جالپى ىقم باسى 161-گە جەتكەن.
"تاسساي قۇس" جشس جىلىنا 40 ملن دانا تاعامدىق جۇمىرتقا وندىرۋدە.
قوسىمشا ايتا وتسەك, اعىمداعى جىلدىڭ 5 ايىندا شىمكەنتتە 5983,4 توننا ەت, ءسۇت 19260 توننا, جۇمىرتقا 62,5 ملن دانا وندىرىلگەن. ىقم – 82,6 مىڭ باس, قوي مەن ەشكى – 112,2 مىڭ باس, جىلقى – 14,6 مىڭ باس, تۇيە – 29 باس, قۇس – 953,9 مىڭ باستى قۇراپ وتىر.