مادەنيەت جانە سپورت مينيسترلىگى ءتىل ساياساتى كوميتەتى مەن ش.شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعى 25 ماۋسىم كۇنى ساعات 11.00-دە termincom.kz سايتىنىڭ youtube كانالىندا "الەۋمەتتىك جەلى تەرميندەرىنىڭ تەرمينجاسامداعى ورنى" تاقىرىبىندا ونلاين-كونفەرەنتسيا وتكىزەدى, - دەپ حابارلايدى Egemen.kz.
بۇگىندە الەۋمەتتىك جەلى الەم مويىنداعان اقپارات الماسۋدىڭ بىردەن-ءبىر قۇرالى بولىپ تابىلادى. دەسەك تە الەۋمەتتىك جەلى - اقپارات پەن نارىقتى دامىتۋمەن قاتار قازاق تەرميندەرىنىڭ قوعامداعى ورنىن ايقىنداۋشى, ۇلتتىق ءتىلدىڭ مادەنيەتىنە ىقپال ەتۋشى قۇرال. اتالعان شارا الەۋمەتتىك جەلىدە قولدانىلاتىن تەرميندەردىڭ تەرمينجاسامداعى ورنىن ايقىنداۋعا, ۇلتتىق ءتىل مادەنيەتىنە ىقپالىن انىقتاۋعا باعىتتالادى.
ونلاين-كونفەرەنتسيادا ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ عىلىمي قىزمەتكەرى نۇرلان شۇلەنباەۆ, Shonbay Online ۋنيۆەرسيتەتى PR & Media ءبولىمىنىڭ جەتەكشىسى, SMM-manager, كوپيرايتەر اقەركە كامال الەۋمەتتىك جەلى تەرميندەرىنىڭ قولدانىسى, ونىڭ ءتىل مادەنيەتىنە اسەرى جونىندە وي قوزعايتىن بولادى.
الەۋمەتتىك جەلى تەرميندەرىنە قاتىستى سۇراقتارىڭىزدى termincom.kz سايتىنىڭ youtube كانالى ارقىلى قويىپ, پىكىرلەرىڭىزبەن بولىسە الاسىزدار.