بيزنەستى دامىتۋدىڭ جاڭا باعدارلاماسى ازىرلەنەدى

"كاسىپكەرلىكتى قولداۋ جانە دامىتۋ ءۇشىن ىسكەرلىك احۋالدى جاقسارتۋ بويىنشا بىرقاتار شارا قابىلداندى. بۇل سالىقتىق جەڭىلدىكتەر, تەكسەرىستەردى قىسقارتۋ جانە نەسيەلەندىرۋدى كەڭەيتۋ", دەيدى رۋسلان دالەنوۆ.

سونداي-اق مينيستر جىل سوڭىنا دەيىن ەكونوميكالىق ءوسۋدى قالپىنا كەلتىرۋدىڭ كەشەندى جوسپارى مەن بيزنەستى قولداۋ بويىنشا قوسىمشا شارالار قابىلدانعانىن ايتتى. بۇل باعىتتا ارنايى مەملەكەتتىك كوميسسيا جۇمىس ىستەپ جاتقاندىعىن اتاپ ءوتتى.

2020 جىلعى 18 ماۋسىمدا پارلامەنت ىسكەرلىك احۋالدى جاقسارتۋ ءۇشىن زاڭنامالىق رەفورمالار پاكەتىن قابىلدادى.

"ورتا مەرزىمدى پەرسپەكتيۆادا كاسىپكەرلىك قىزمەتتى دامىتۋ ءۇشىن "جاڭا كۇن ءتارتىبى" جاسالادى. شاعىن جانە ورتا بيزنەستى ودان ءارى دامىتۋ باعىتى قازاقستاننىڭ 2025 جىلعا دەيىنگى جاڭا ستراتەگيالىق جوسپارىندا قاراستىرىلعان", دەپ تولىقتىردى رۋسلان دالەنوۆ.

مينيسترلىكتىڭ مالىمەتىنشە, 2019 جىلى شاعىن جانە ورتا بيزنەستىڭ ەكونوميكاداعى ۇلەسى 30,8% قۇرادى. وتكەن جىلى شاعىن جانە ورتا بيزنەس 31,2 ترلن تەڭگەنىڭ ءونىمىن ءوندىردى. رەسپۋبليكادا 3,4 ملن ادام شاعىن جانە ورتا بيزنەس سالاسىندا جۇمىس ىستەيدى. ىسكەرلىك احۋالدى جاقسارتۋ بويىنشا قابىلدانعان رەفورمالار قازاقستاننىڭ Doing Business رەيتينگىسىندە 25 ورىنعا كوتەرىلۋىنە مۇمكىندىك بەردى.