بۇل نىسانداردى كەستەگە ساي اشۋ جوسپارلانعان, الايدا وڭىردەگى ەپيدەميولوگيالىق جاعدايعا بايلانىستى كەيىنگە شەگەرىلەدى, دەپ حابارلايدى pavlodarnews.kz ءتىلشىسى.
بۇل تۋرالى شاعىن جانە ورتا كاسىپكەرلىكتىڭ جۇمىسىنا قاتىستى ونلاين ءباسپاسوز جيىنىندا پاۆلودار وبلىسى اكىمىنىڭ ورىنباسارى ساكەن شاياحمەتوۆ ءمالىم ەتتى.
ء"بىز مۇنداي شەكتەۋلەردى كارانتيندىك تالاپتاردىڭ ساقتالماۋىنا بايلانىستى قابىلداپ وتىرمىز", - دەدى ساكەن شاياحمەتوۆ.
"كوروناۆيرۋستىڭ تارالۋى قارقىن الىپ بارادى. بۇل جەردە ادامدار سانالى تۇردە ۇجىم بولىپ جاۋاپ بەرۋى ءتيىس. توتەنشە جاعداي كەزىنەن بەرى ساۋنالار, كينوتەاتر سياقتى 840 نىسان ءالى جۇمىسىنا قايتا كىرىسكەن جوق. ولاردى كەستەگە ساي اشۋ جوسپارلانعان بولاتىن. ادامداردىڭ نەمقۇرايلى قاراۋىنان قايتا شەكتەۋلەرگە كەلۋگە ءماجبۇرمىز جانە سول نىسانداردىڭ اشىلۋى ازىرگە مۇمكىن بولماي تۇر. ساكەن شاياحمەتوۆتىڭ ايتۋىنشا, اۋدانداردا مونيتورينگ توپتارى جۇمىس جاسايدى. ولار تالاپتاردىڭ ساقتالۋىن باقىلايدى. وڭىردە مونيتورينگ توپتارىمەن توتەنشە جاعداي كەزىندە 3200-گە جۋىق نىساندا جانە تج-دان كەيىن 2200 نىساندا ەرەجەلەردىڭ ساقتالۋى تەكسەرىلدى. - سول تەكسەرۋلەردە 100-دەن استام ەرەجە بۇزىلعانى انىقتالدى", - دەدى ساكەن شاياحمەتوۆ.
وعان قوسا, اۆتوبۋستار دا تەكسەرىلدى. ءتىپتى, ءبىر كاسىپكەر 100 اەك كولەمىندە ايىپپۇل تولەدى. مونيتورينگ توپتارىمەن بىرگە قۇقىق قورعاۋ ورگاندارى دا تارتىلعان. ءالى دە باقىلاۋ جالعاسادى. ەرەجە بۇزعاندار جازالانادى.