يزرايل زەرتتەۋشىلەرى ىستىقتان قورعايتىن جانە قايتا تازارتىپ قولدانۋعا بولاتىن بەتپەردەنى ويلاپ تاپقانىن ايتادى. بۇل تۋرالى BBC News اگەنتتىگىنە سىلتەمە جاساي وتىرىپ Egemen.kz حابارلايدى.
بەتپەردەدە قۋات كوزىنە قوسىلاتىن USB پورتى بار جانە ونىڭ ىشكى قاباتىن كومىرتەك تالشىقتارىمەن 70°C-قا دەيىن قىزدىرۋعا بولادى. سوندىقتان ول كوروناۆيرۋستى ولتىرۋگە جەتكىلىكتى جوعارى تەمپەراتۋرانى بەرە الادى.
"پايدالانۋشىلارعا دەزينفەكتسيا كەزىندە بەتپەردەنى كيۋگە كەڭەس بەرەمىز, ول شامامەن 30 مينۋت ارالىعىن قامتيدى", دەيدى ياەر ەين-ەلي رەيتەر اگەنتتىگىنە بەرگەن سۇحباتىندا.
ەين-ەلي يزرايلدەگى تەحنون ۋنيۆەرسيتەتىندە زەرتتەۋ جۇرگىزەدى. وعان بۇل وي بەتپەردەلەرگە دەگەن سۇرانىس پەن ۇسىنىستىڭ ارتىپ كەلە جاتقانى اسەر ەتكەن. كەلەسى كەزەكتە عالىمدار امەريكا قۇراما شتاتتارىندا بەتپەردەگە پاتەنت الىپ, ونى كوممەرتسيالىق جولمەن ساتۋدى جوسپارلاپ وتىر.