بۇل تۋرالى وبلىس اكىمىنىڭ ورىنباسارى سەرگەي كارپليۋك پەن ايماق ەكولوگتارىنىڭ جانە "Qostanai - adaldyq alany" جوبالىق كەڭسەسى وكىلدەرىنىڭ قاتىسۋىمەن وتكەن ونلاين-جيىندا ايتىلدى. ەكولوگ-ماماندار وبلىس اۋماعىنداعى رۇقسات ەتىلمەگەن جەرلەردە 313 قوقىس ءۇيىندىسىن تاپقان. بۇل ورىندار "عارىش ساپارى" ۇك اق جەرسەرىكتىك جۇيەسى ارقىلى انىقتالىپ وتىر. بۇگىنگە دەيىن ونىڭ 155-ءى جويىلىپتى. قالعان 158 قوقىس پوليگونىن جويۋ جەرگىلىكتى اتقارۋشى ورگاندارعا مىندەتتەلگەن.
سونداي-اق تۇرمىستىق قالدىقتاردى توگەتىن ورىنداردى ءتيىمسىز ۇيىمداستىرعان 26 اۋىلدىق وكرۋگ اكىمى اكىمشىلىك جاۋاپكەرشىلىككە تارتىلدى.
"تاياۋدا وڭىرلىك ەكولوگيالىق رەتتەۋ ءبولىمىنىڭ باسشىسى قاماۋعا الىندى. ول قورشاعان ورتانى قورعاۋ سالاسىنداعى زاڭنامالاردى ورەسكەل بۇزىپ, قوقىس قالدىقتارىن شىعارۋ جوبالارى بويىنشا بىرنەشە رەت پارا الدى دەگەن كۇدىككە ءىلىندى. بارلىقتارىڭىزدى سىبايلاس جەمقورلىق تاۋەكەلدەرىن بولدىرماۋعا شاقىرامىن. قوقىس الاڭى كىمگە تيەسىلى؟ مىنە, جاۋاپتى ادام دا سول! اۋماقتاعى ۇيىمدارمەن جانە جەكە تۇلعالارمەن تۇراقتى نەگىزدە تۇسىنىك جۇمىستارىن جۇرگىزۋ قاجەت. قوقىس پوليگونىن دۇرىس ۇيىمداستىرۋ باعىتىنداعى جۇمىستاردى اكىمدەردىڭ رەيتينگىنە قوسۋعا بولادى", دەيدى وبلىستىق سىبايلاس جەمقورلىققا قارسى كۇرەس قىزمەتىنىڭ ءبىرىنشى ورىنباسارى دانيار سماعۇلوۆ.
قوستاناي وبلىسى