اتىراۋ وبلىسىندا دالا ءورتى ءورشىپ تۇر

"اۋدان ورتالىعى – اققىستاۋ اۋىلىنان 150 شاقىرىم قاشىقتا ورنالاسقان قامىسقالا اۋىلىنا قاراستى "ايساقۇدىق" ۋچاستوگىندەگى دالا ءورتى  تۋرالى حابار ءتۇستى. دالا ءورتىن سوندىرۋگە 25 ادام مەن 6 تەحنيكا جۇمىلدىرىلدى. ونىڭ ىشىندە 8 ەرىكتى ءورت ءسوندىرۋ جاساعى, 17 جەرگىلىكتى تۇرعىن بار", - دەپ حابارلادى دەپارتامەنتتىڭ ءباسپاسوز قىزمەتى.

دالا ءورتى كەشە  تولىقتاي ءسوندىرىلدى. ءتىلسىز جاۋ "تۇياق قىزىل", "ەسەنقارا قوڭىرى", "حاسەن", "قوڭىرباي", "ايساقۇدىق", "وتاۋ", "قاشتاي", "دوسقالي" ۋچاسكەلەرىن دە شارپىدى.