بەيجىڭدە مۋنيتسيپاليتەت قوعامدىق كولىكتەردى پايدالانۋعا شەكتەۋلەر قويدى. بۇل تۋرالى euronews.com اگەنتتىگىنە سىلتەمە جاساي وتىرىپ Egemen.kz حابارلايدى.
ەندى قىتاي استاناسىنىڭ تۇرعىندارىنا تەك تاكسيگە تاپسىرىس بەرۋگە بولادى. قالاارالىق رەيستەر مەن اۆتوبۋستارعا دا ءدال وسىنداي شارالار قولدانىلا باستادى. قازىر قالادا كوروناۆيرۋستىق ينفەكتسيانىڭ ءورشۋى انىق بايقالۋدا. بيلىك وكىلدەرىنىڭ مالىمەتىنشە, تەڭىز ونىمدەرىن ساتاتىن بازارلاردىڭ بىرىندە ينفەكتسيا قايتا شىققانى جونىندە اقپارات بار.
ددۇ ايتۋىنشا ەو ەلدەرىندە ىندەت جاعدايدىڭ ناشارلاۋىنا الىپ كەلمەۋى كەرەك. اتالمىش ۇيىم پاندەميانىڭ ەكىنشى تولقىنى ءۇشىن دايىندىق جۇرگىزۋگە شاقىرۋدا. بۇل تۋرالى ددسۇ-نىڭ باس ديرەكتورى تەدروس ادحان گەبرەيۋس: "ەگەر ەۋروپادا جاعداي سالىستىرمالى تۇردە جاقسى بولىپ كورىنسە, باسقا ايماقتاردا جاعداي ناشار بولۋى مۇمكىن. مەن سىزدەرگە ىندەتپەن اۋىرعان ادامداردىڭ سانىن ايتايىن – ەكى ايدىڭ ىشىندە جۇقتىرعاندار 100 مىڭعا جەتتى. ەكى اپتانىڭ ىشىندە كۇن سايىن دەرلىك 100 000 ادامنان ينفەكتسيا انىقتالىپ جاتىر", - دەدى.
ايتا كەتەيىك, پاندەميا جاعدايىنا قاراماستان, لوندون تۇرعىندارى ساۋدا دۇكەندەرىن ارالاۋدى جالعاستىرۋدا. وكسفورد كوشەسىندەگى ايگىلى "سەلفريدج" دۇكەنى ساتىپ الۋشىلاردى قايتا قابىلداپ جاتىر. بۇل دۇكەن سوعىس كەزىنەن كەيىن ەكىنشى رەت جابىلعان ەدى.
بريتانيادا ساۋدا-ساتتىق دۇكەندەر قايتا اشىلدى. بىراق كينوتەاترلار مەن حايۋاناتتار باعىنىڭ جۇمىسى توقتاپ تۇر. قوعامدىق كولىكتەردە ماسكا تاعىپ ءجۇرۋ مىندەتتى.
قىزعالداق ومار,
ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى
ساياساتتانۋ جانە جۋرناليستيكا فاكۋلتەتىنىڭ 3-كۋرس ستۋدەنتى