دەنساۋلىق ساقتاۋ ءمينيسترى ەلجان ءبىرتانوۆتىڭ مىندەتىن ۋاقىتشا ورىنباسارى ءلاززات اقتاەۆا اتقارادى. بۇل تۋرالى مينيسترلىكتىڭ رەسمي وكىلى دياس احمەتشارىپ مالىمدەدى, - دەپ حابارلايدى Egemen.kz.
بەلگىلى بولعانداي, دەنساۋلىق ساقتاۋ ءمينيسترى ەلجان ءبىرتانوۆ ىندەتتەن ايىققانشا ونىڭ مىندەتىن ۆيتسە-مينيستر ءلاززات اقتاەۆا اتقاراتىن بولدى. مينيسترلىكتىڭ رەسمي وكىلىنىڭ مالىمەتىنە سايكەس, ۆيرۋس جۇقتىرعان مينيستر ەلجان ءبىرتانوۆتىڭ قازىرگى جاعدايى ورتاشا دەپ باعالانىپ وتىر. قازىر ول نۇر-سۇلتانداعى ستاتسيوناردا جاتىر ەكەن.
"دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس جۇقتىرىپ, پنەۆمونيا دياگنوزىمەن اۋرۋحاناعا جاتقىزىلدى. ونىڭ قازىرگى جاعدايى ورتاشا دەپ باعالانىپ وتىر. مينيستر حاتتاماعا سايكەس ەم قابىلداپ جاتىر. ول ستاتسيوناردا ەم الىپ جاتقانىنا قاراماستان, كوروناۆيرۋس ينفەكتسياسى شتابىنىڭ جۇمىسىن ونلاين رەتتەپ وتىر", - دەدى دياس احمەتشارىپ.
ەسكە سالا كەتەيىك, 14 ماۋسىمدا ەلجان ءبىرتانوۆتىڭ كوروناۆيرۋس جۇقتىرعانى بەلگىلى بولعان ەدى.