باياناۋىل اۋدانىنىڭ اكىمى قانات كارىموۆ باياناۋىل تۇرعىندارى مەن قوناقتارىنا ۇندەۋ جولدادى. بۇل تۋرالى ول Instagram پاراقشاسىندا جاريالادى.
"توتەنشە جاعداي رەجيمىن الىپ تاستاعانىنا قاراماستان, ەلىمىزدەگى ەپيدەميولوگيالىق جاعداي دا وزەكتى بولىپ قالۋدا. ءوزىمىز بەن اينالامىزداعى ادامداردى كوروناۆيرۋستان ساقتاۋ ءۇشىن قاۋىپسىزدىك شارالارىن ساقتاۋ كەرەك. باياناۋىل اۋدانىنىڭ باس سانيتارلىق دارىگەرىنىڭ قاۋلىسىنا سايكەس, 16 ماۋسىم ساعات 00-دەن باستاپ باياناۋىل, جاسىباي, سابىندىكول, تورايعىر, بىرجانكول دەمالىس ايماعىنىڭ بارلىق دەمالىس ۇيلەرى مەن جاعاجايلارى سانيتارلىق-ەپيدەميولوگيالىق جاعداي جاقسارعانعا دەيىن جابىلدى. بۇل - ءبىرىنشى كەزەكتە ءوزىمىزدىڭ اماندىعىمىز ءۇشىن وتە ماڭىزدى", - دەدى ول.
سانەپيدەميولوگتاردىڭ مالىمەتىنە سۇيەنسەك, اۋداندا كوروناۆيرۋسقا شالدىعۋ كورسەتكىشى شەكتى مولشەردەن اسىپ, 33 پروتسەنتتى قۇراعان. بۇگىنگى كۇنى COVID -19 ءتورت اۋدان تۇرعىنىنان انىقتالدى.