ۇلتتىق ەكونوميكا ءمينيسترى رۋسلان دالەنوۆ حالىق الدىندا ەسەپ بەرۋ كەزدەسۋىندە قازاقستاندا شاعىن نەسيەلەندىرۋدىڭ جاڭا باعىتى ماۋسىم ايىندا ىسكە قوسىلاتىنىن ايتتى.
«قازىرگى كەزەڭدە ميكروبيزنەستى قولداۋ ماڭىزدى ماسەلە بولىپ وتىر. «بيزنەستىڭ جول كارتاسى – 2025» مەملەكەتتىك باعدارلاماسىنا «شاعىن جانە ميكروبيزنەستى شاعىن نەسيەلەۋ» جاڭا باعىتى ەنگىزىلەدى. قارجىلاندىرۋ سۋبسيديالاۋ ەسەبىنەن 6%-دان اسپايتىن مولشەرلەمە بويىنشا قولجەتىمدى بولادى. بۇگىندە وسىنداي نەسيەلەر بويىنشا مولشەرلەمەلەر جوعارى. جاڭا باعىت 6%-دان اسپايتىن مولشەرلەمە بويىنشا نەسيە الۋعا مۇمكىندىك بەرەدى», - دەدى مينيستر.
ونىڭ ايتۋىنشا, اينالىم قاراجاتىن تولىقتىرۋعا 5 ملن تەڭگەگە دەيىن جانە وندىرىستىك قاجەتتىلىكتەرگە 20 ملن تەڭگەگە دەيىن نەسيە بەرىلەدى. قارجىلاندىرۋ كوزدەرى بانكتەر مەن ميكروقارجى ۇيىمدارىنىڭ ءوز قاراجاتى بولادى.
«بۇل رەتتە كەپىل بەرۋ ماسەلەسى شەشىلۋدە. دامۋ قورى قارىزدىڭ نەگىزگى بورىشىنىڭ 85% - ىنا دەيىن كەپىلدىك بەرۋدى قامتاماسىز ەتەدى. جاڭا باعىت «بجك-2025» مەملەكەتتىك باعدارلاماسىنا وزگەرىستەر ەنگىزۋدى, سونداي-اق ەكىنشى دەڭگەيلى بانكتەردى تارتۋدى تالاپ ەتەدى. سوندىقتان ءبىر اي ىشىندە شاعىن نەسيەلەۋدىڭ جاڭا باعىتىن ىسكە قوسۋ جوسپارلانىپ جاتىر», - دەدى رۋسلان دالەنوۆ.