قازاقستاندا مۇناي باعاسى وسكەن جاعدايدا ۇلتتىق قوردا قاراجات جيناۋ ءۇشىن تۇزەتۋلەر دايىندالدى. بۇل تۋرالى ۇلتتىق ەكونوميكا ءمينيسترى رۋسلان دالەنوۆ حالىققا ەسەپ بەرۋى كەزدەسۋىندە ايتتى.
«بيۋدجەتتىك جۇيەنىڭ تۇراقتىلىعىن ارتتىرۋ ماقساتىندا كونترتسيكلدىك بيۋدجەتتىك ەرەجەنى بەكىتۋ بويىنشا زاڭنامالىق تۇزەتۋلەر دايىندالدى. بۇل ەرەجەنىڭ ماقساتى – مۇناي باعاسى جوعارى بولعان كەزدە ۇلتتىق قوردا قاراجات جيناۋ», - دەدى ر. دالەنوۆ.
سونداي-اق بيۋدجەتتىك ۇدەرىستەردى جەڭىلدەتۋ ءۇشىن بيۋدجەتتى اتقارۋ جانە بيۋدجەتتىك وتىنىمدەردى قۇرۋ بويىنشا راسىمدەر جەتىلدىرىلدى.
«بۇل بيۋدجەتتىك ۇدەرىستەردى اۆتوماتتاندىرۋ جانە تسيفرلاندىرۋ, سونداي-اق اقپاراتتىڭ اشىقتىعى مەن قولجەتىمدىلىگىن ارتتىرۋ. وسىعان بايلانىستى, بيۋدجەت جۇيەسىن ودان ءارى جاقسارتۋ ءۇشىن بيۋدجەت زاڭناماسىن جەتىلدىرۋ ماسەلەلەرى بويىنشا زاڭ جوباسى ازىرلەندى», - دەپ ناقتىلادى دالەنوۆ.