مادەنيەت جانە سپورت ءمينيسترى اقتوتى رايىمقۇلوۆا حالىق الدىندا ەسەپ بەرۋ كەزدەسۋىندە اباي اتىنداعى قازاق مەملەكەتتىك اكادەميالىق وپەرا جانە بالەت تەاترى مەن «استانا وپەرا» تەاترى تمد ەلدەرىنىڭ ۇزدىك وپەرا جانە بالەت تەاترلارىنىڭ توپ-5 رەيتينگىسىنىڭ قاتارىنا ەنگەنىن ايتتى.
- 2019 جىلى رەسپۋبليكالىق تەاترلار 1600 استام قويىلىم كورسەتىپ, 32 جاڭا سپەكتاكلدى جۇزەگە اسىردى. ولاردىڭ قاتارىندا «اتتيلا جانە اەتسي», «قۇلاگەر» قويىلىمدارىنىڭ, «جيزەل» جانە «بولەرو» بالەتتەرىنىڭ تۇساۋكەسەرى ءوتتى. «استانا بالەت» تەاترىندا «كونچەرتو باروككو», «زولۋشكا», «شوپەنيانا» بالەتتەرىنىڭ پرەمەراسى جانە «سەرىلەر سالتاناتى» مينياتيۋراسى قويىلدى. «استانا وپەرا» تەاترىندا «دون كارلوس», «ەۆگەني ونەگين», «بوگەما» وپەرالارىنىڭ جانە «جيزەل», «كوپپەليا», «بەتحوۆەن» بالەتتەرىنىڭ پرەمەراسىن كورەرمەندەرگە ۇسىندى, - دەدى اقتوتى رايىمقۇلوۆا.
سونداي-اق ول اباي اتىنداعى قازاق مەملەكەتتىك اكادەميالىق وپەرا جانە بالەت تەاترى مەن «استانا وپەرا» تەاترى تمد ەلدەرىنىڭ ۇزدىك وپەرا جانە بالەت تەاترلارىنىڭ توپ-5 رەيتينگىسىنىڭ قاتارىنا ەنگەنىن ايتتى. نارتاي بەكەجانوۆ اتىنداعى قىزىلوردا وبلىستىق قازاق مۋزىكالىق-دراما تەاترى مەن ساكەن سەيفۋللين اتىنداعى قاراعاندى وبلىستىق دراما تەاترىنا قازاقستان رەسپۋبليكاسى ۇكىمەتىنىڭ قاۋلىسىمەن اكادەميالىق مارتەبە بەرىلدى.