مادەنيەت جانە سپورت ءمينيسترى اقتوتى رايىمقۇلوۆا حالىق الدىندا ەسەپ بەرۋ كەزدەسۋىندە بىرقاتار وقۋ-ادىستەمەلىك جانە تالداۋ ورتالىعىنىڭ قىزمەتكەرىنىڭ جالاقىسى 2 ەسەگە ارتقانىن ايتتى.
- سپورتشىلاردىڭ دوپينگكە قارسى زەرتحاناسىنىڭ, ۇلتتىق دوپينگكە قارسى ورتالىقتىڭ قىزمەتكەرلەرىنە, دەنە شىنىقتىرۋ جانە سپورت جونىندەگى رەسپۋبليكالىق وقۋ-ادىستەمەلىك جانە تالداۋ ورتالىعىنىڭ, سپورتتى دامىتۋ ديرەكتسياسىنىڭ قىزمەتكەرلەرى مەن جاتتىقتىرۋشىلارىنا لاۋازىمدىق جالاقىنىڭ 100% مولشەرىندە جاڭا قوسىمشا اقى بەلگىلەندى. وسىلايشا, ولاردىڭ جالاقىسى 2 ەسەگە ارتتى. بۇل باعىتتا جۇمىس جالعاساتىن بولادى, سالا قىزمەتكەرلەرىن الەۋمەتتىك قولداۋ ماسەلەلەرى ءبىز ءۇشىن ارقاشان دا وزەكتى. وسىعان بايلانىستى سالا قىزمەتكەرلەرىن الەۋمەتتىك قولداۋ جۇيەسىن ودان ءارى دامىتۋدى, جۇمىستىڭ ەرەكشەلىكتەرى بار ماماندار ءۇشىن تولەم ماسەلەسىن پىسىقتاۋدى جوسپارلاپ وتىرمىز, - دەدى اقتوتى رايىمقۇلوۆا.
ءمينيستردىڭ ايتۋىنشا, بۇل ارەكەت ماماندىقتىڭ بەدەلىن ارتتىرىپ قانا قويماي مۋلتيپليكاتيۆتى اسەرىن دە بەرەتىن بولادى.