بيىل جالاۋىن كوتەرەتىن توكيو-2020 جازعى ويىندار وليمپياداسى الەمدى جايلاعان كوروناۆيرۋسقا بايلانىستى ءبىر جىلعا شەگەرىلگەن بولاتىن. ەكى اپتا بۇرىن حوك ەگەردە ىندەتتىڭ ەتەك الۋى وسىلاي جالعاسا بەرسە, وليمپيادا ويىندارى كۇن تارتىبىنەن تۇبەگەيلى الىنىپ تاستالۋى دا مۇمكىن ەكەندىگى جايلى ءمالىم ەتكەن ەدى.
بىراق دايىندىق شارالارىن جاساپ قويعان جاپونيا ۇكىمەتى 4 جىلدا ءبىر دۇركىن وتەتىن سپورت تويىن كەيىنگە قالدىرۋدى قالامايدى. سول سەبەپتى, ولار وليمپيادا ويىندارىن ەرەكشە جاعدايدا, ياعني قىسقارتىلعان سپورتتىق باعدارلامالار سايىسى تۇرىندە وتكىزۋدىڭ جولىن قاراستارىپ جاتىر. بۇل تۋرالى اتالعان ەلدىڭ ۇكىمەتى ەكى كۇن بۇرىن ءمالىم ەتتى.
ەگەردە وليمپيادا قىسقارتىلعان سپورتتىق باعدارلار ارقىلى وتكەن جاعدايدا, كورەرمەندەر سانىنا دا شەكتەۋ قويىلىپ, جازعى ويىندار تويى مەن پاراليمپيادانىڭ اشىلۋ سالتاناتى بۇرىنعىداي استا-توك بولمايدى.
سونىمەن قاتار وليمپياداعا قاتىسۋشى سپورتشىلار, جانكۇيەرلەر, دارىگەرلەر, ۇيىمداستىرۋ ءىسى جانە ويىندار وتەتىن قالاشىق قىزمەتكەرلەرى تۇگەلدەي دەرلىك كوروناۆيرۋستىق تەكسەرۋدەن وتكىزىلەدى.
جوعارىدا ايتىلعان شارالاردى حوك قابىلداعان جاعدايدا توكيو-2020 جازعى XXXII وليمپيادا تويىنىڭ اشىلۋ سالتاناتى 2021 جىلدىڭ 23 شىلدەسىنە جوسپارلانىپ وتىرعان كورىنەدى.