«جۇمىسپەن قامتۋدىڭ جول كارتاسى – 2020» باعدارلاماسىنىڭ 117 ينفراقۇرىلىمدىق جوباسى بويىنشا بىرنەشە اپتا ىشىندە 78 جۇمىس بەرۋشىگە 2 370 ادام جۇمىسقا ورنالاستى. بۇل تۋرالى ەلوردا اكىمدىگىنىڭ رەسمي سايتى حابارلادى.
ء«سىز cz.astana.kz پورتالىنىڭ DKZ 2020 بولىمىندە جوبالاردىڭ ءتىزىمىن قاراپ, وزىڭىزگە سايكەس بوس جۇمىس ورىنىن تاڭداي الاسىز», – دەپ جازدى قالا اكىمىنىڭ ورىنباسارى ماليكا بەكتۇروۆا ءوزىنىڭ https://t.me/MBekturova تەلەگرام ارناسىندا.
سونىمەن قاتار بۇل قىزمەتتى وفلاين رەجيمدە الۋعا بولادى. ول ءۇشىن Smart Astana ءموبيلدى قوسىمشاسى ارقىلى جۇمىسپەن قامتۋ ورتالىعىنا ونلاين-كەزەككە تۇرۋ قاجەت. ءارى قاراي مامان بوس جۇمىس ورىندارىنىڭ ءتىزىمىن ۇسىنىپ, جۇمىس ىزدەۋشى رەتىندە تىركەيدى جانە اڭگىمەلەسۋگە جولداما بەرەدى.
تولىق اقپاراتتى «اتامەكەن» ۇكپ ءموبيلدى جۇمىسپەن قامتۋ ورتالىقتارىنان, مىنا مەكەن-جايلار بويىنشا الۋعا بولادى: بوگەنباي باتىر داڭعىلى, 6/5; الاش تاس جولى 31/1; گەتە كوشەسى, 1; ن. تىلەنديەۆ داڭعىلى 24; ابىلايحان داڭعىلى, 31; ش.ءۋاليحانوۆ كوشەسى, 24; قابانباي باتىر داڭعىلى, 21; شالكودە كوشەسى, 1.