جوبا «دامۋ» قورى ارقىلى قارجىلاندىرىلدى. ستەريلدى جارىق كابينەتتەر, ءتىستى بۇرعىلايتىن اپپاراتتىڭ ىزىڭى مەن ەمحاناعا ءتان ءيىس. كوكشەتاۋدا جاڭادان اشىلعان ستوماتولوگيالىق ەمحانا زاماناۋي ادىستەرمەن ەمدەۋدى قولعا الىپ وتىر.
– بالعىندار قاي ءتىسىنىڭ اۋىرىپ تۇرعانىن ايتا المايدى. ولار جىلايدى, ال, كوپ رەتتە اتا-اناسى ونىڭ سەبەبىن تۇسىنبەي الەك بولادى. اتا-انالاردىڭ كوپشىلىگى سوندىقتان, ەلوردالىق ستوماتولوگتاردىڭ كومەگىنە جۇگىنىپ جاتادى. ءبىز وسى ماسەلەنى شەشۋدى قولعا الدىق. دەنى ساۋ ۇرپاق – ەلدىڭ بولاشاعى,–دەيدى بالالاردىڭ ءتىس دارىگەرى عاليا ەسكەندىروۆا.
بالالار ەمحاناسىندا 5 كابينەت قازىرگى زامانعى تەحنيكامەن جاراقتاندىرىلدعان. بالعىندار ءۇشىن توبەگە تەلەديدار ورناتىلعان. تاعى ءبىر جاڭاشىلدىق – ءتىستى «سەۆوران» گازىمەن ەمدەۋ.
جوبانىڭ ءبىر بولىگى «دامۋ قورى» مەن قالالىق بيۋدجەتتەن قارجىلاندىرىلدى. جەڭىلدەتىلگەن نەسيەلەندىرۋدىڭ ءتيىمدى باعدارلاماسى وسىنداي نىساندارعا باعىتتالعان.
– بالالاردىڭ ءتىس ەمحاناسىن اشۋ تۋرالى جوبا بيزنەستى دامىتۋ قولداۋعا قاتىستى بىرنەشە مەملەكەتتىك باعدارلامانىڭ, سونىمەن قاتار «كوكشەتاۋ بيزنەس» ايماقتىق باعدارلاماسى بويىنشا قارجىلاندىرىلدى. بۇل مەكەمەنى اشۋ ءۇشىن 50 ميلليون تەڭگە كولەمىندە نەسيەلىك قارجى قاجەت بولدى. ونىڭ ءبىر بولىگى, اتاپ ايتساق, 35 ميلليون تەڭگەسى «كوكشەتاۋ-بيزنەس» باعدارلاماسى ارقىلى»حالىق بانكىنەن» الىندى. بۇل قالالىق اكىمشىلىكپەن بىرلەسكەن «دامۋ» قورىنىڭ باعدارلاماسى,–دەيدى, «دامۋ» كاسىپكەرلىكتى دامىتۋ قورى وبلىستىق فيليالىنىڭ جەتەكشىسى رۋسلان احمەتوۆ.
بالالاردىڭ ءتىس ەمحاناسى بالعىن كليەنتتەرىن قابىلداۋدى باستاپ كەتتى.