2020 جىلعى 27 مامىردا ۇقك الماتى ق. مەن الماتى وبلىسىندا قر ءىىم-مەن بىرلەسىپ جۇرگىزگەن ارنايى وپەراتسيا ناتيجەسىندە ءبىر-بىرىنە قارسى ەكى ۇقت-نىڭ قۇقىققا قايشى ارەكەتىنىڭ جولىن كەستى. بۇل تۋرالى ۇقك ءباسپاسوز قىزمەتى حابارلادى.
قىلمىستىق توپقا قاتىسۋشىلاردىڭ بىرقاتار اۋىر جانە اسا اۋىر قىلمىستارعا قاتىسى بار. قىلمىستىق قۇقىق بۇزۋشىلىقتار اتىس قارۋىن قولدانا وتىرىپ, اسا وكتەمدىكپەن جاسالعان.
ەكى ۇقت-نىڭ بەلسەندى مۇشەلەرىنىڭ جالپى سانى 30 ادامعا جەتكەن. ولاردىڭ اراسىندا بۇرىن سوتتالعان ادامدار بار, كەيبىرەۋلەرى «ۇرىلار» يدەولوگياسىن ۇستانىپ, ترانسۇلتتىق قىلمىستىق قوعامداستىقتاردىڭ جەتەكشىلەرىمەن بايلانىستا بولعان.
فيگۋرانتتاردىڭ تۇرعىلىقتى جەرلەرى بويىنشا ءتىنتۋ بارىسىندا 11 بىرلىك ءارتۇرلى قارۋ تۇرلەرى, 200-دەن ارتىق وق-دارىلەر الىنعان.
ۇستالعاندار ۋاقىتشا ۇستاۋ يزولياتورلارىنا قامالدى, بۇلتارتپاۋ شاراسىن تاڭداۋ تۋرالى ماسەلە شەشىلۋدە.