ماڭعىستاۋ وبلىستىق سىبايلاس جەمقورلىققا قارسى قىزمەت دەپارتامەنتىنىڭ الەۋمەتتىك جەلىلەردەگى رەسمي پاراقشالارىندا «جاڭا باعدارلامامەن باسپانالى بولۋ مۇمكىندىكتەرى» تىكەلەي ەفيردە ايتىلىپ, وبلىس تۇرعىندارىنىڭ باسپاناعا قاتىستى سۇراقتارىنا ماماندار جاۋاپ بەردى, دەپ حابارلايدى ماڭعىستاۋ وبلىستىق سىبايلاس جەمقورلىققا قارسى قىزمەت دەپارتامەنتى ءباسپاوز قىزمەتى.
«Antikor.live» جوباسىنىڭ اياسىندا ۇيىمداستىرىلعان تىكەلەي ەفيرگە تۇرعىن ءۇي قۇرىلىس جيناق بانكىنىڭ اعا كەڭەسشىسى قىمبات ازيمباەۆا, بيزنەستى دامىتۋ ءبولىمىنىڭ مامانى ايدىن اجەنوۆ قاتىستى.
ەفيردە قىمبات بولاتقىزى تۇرعىن ءۇي قۇرىلىس جيناق بانكىنەن ەسەپشوت اشۋ, اي سايىن شوتتى تولىقتىرۋ مەن ونى تولەۋدىڭ جولدارى تۋرالى اقپارات بەردى. سونداي-اق, ايدىن اميرادين ۇلى «5-10-20» جانە «باقىتتى وتباسى», ء«وز ءۇيىم» باعدارلامالارىنىڭ ايىرماشىلىقتارى تۋرالى ايتىپ, باسپانالى بولۋدىڭ مۇمكىندىكتەرىنە كەڭىنەن توقتالدى.
ءبىر ساعاتقا سوزىلعان تىكەلەي ەفيردە تۇرعىندار تاراپىنان 50-گە جۋىق سۇراق كەلىپ ءتۇستى. باسىم كوپشىلىگى «باقىتتى وتباسىنا» قاتىسۋ, تومەن پايىزبەن باسپانا الۋ, العاشقى جارنا تۋرالى ساۋالدار بولدى.
ماماندار باسپاناعا قاتىستى ازاماتتاردىڭ كەز كەلگەن سۇراقتارىنا بانكتىڭ الەۋمەتتىك جەلىلەردەگى رەسمي پاراقشالارىندا جاۋاپ بەرەتىندەرىن جەتكىزدى.