اۋداندىق ەكونوميكا ءبولىمىنىڭ مالىمەتىنشە, اۋدان ورتالىعى ەرتىس اۋىلىندا سالىناتىن 24 پاتەرلى, 2 قاباتتى 3 تۇرعىن ءۇيدىڭ الاڭ اۋماقتارى دايىنداۋلدا.
جاڭا ۇيلەر ۇزىندىعى 2,2 شاقىرىم جىلۋ جۇيەسىنە قوسىلادى. ورتالىقتاندىرىلعان جىلۋ جۇيەسىنە قوسىلاتىن الەۋمەتتىك مادەني-تۇرمىستىق نىساندار دا بار.
ال, جالپى «جۇمىسپەن قامتۋ جول كارتاسى» باعدارلاماسى اياسىندا بۇل جۇمىستارعا وبلىستىق بيۋدجەتتەن 680 ميلليون تەڭگە بولىنگەن. قۇرىلىس جۇمىستارىن «پورتال پۆ» جشس جۇرگىزۋدە. بۇل ۇيدەگى پاتەرلەر از قامتىلعان جانە ءۇي كەزەگىندە تۇرعان جاس وتباسىلارعا بەرىلەدى.
سونىمەن بىرگە, قىزىلقاق, بۇلانباي, ۇزىنسۋ اۋىلدارىندا دا بىرنشە تۇرعىن ۇيلەر سالىنۋدا. بۇل ۇيلەر ەلىمىزدىڭ وڭتۇستىك وڭىرىنەن «ەڭبەك» باعدارلاماسى بويىنشا كوشىپ كەلەتىن وتباسىلارعا بەرىلەدى. اۋداندا تۇرعىن ۇيلەر قۇرىلىسىنىڭ ساپاسىن باقىلاۋ ءۇشىن اۋدان تۇرعىندارى اراسىنان ارنايى باقىلاۋ توبىن قۇرىلعان.
بيىل اۋدانداعى 27 اۋىلعا اۋىزسۋ جەتىپ,اۋدانداعى 10 اۋىل بەلوۆود توپتىق سۋ قۇبىرى اسا ماڭىزدى توپتىق جانە جەرگىلىكتى سۋمەن جابدىقتاۋ جۇيەلەرىنىڭ تىزىمىنە ەنگىزىلەدى. بۇل سۋ پايدالانۋشىلار ءۇشىن ءتاريفتى سۋبسيديالاۋعا مۇمكىندىك بەرەدى.
پاۆلودار وبلىسى
ەرتىس اۋدانى