وبلىستا پوليتسەيلەردىڭ كومەكشىسى سانالاتىن قىزمەتتىك 47 يت بار. ونىڭ 26-سى كوكشەتاۋدا. ال شالعايداعى ەسىل اۋدانىندا وسىنداي قىزمەتتىك 2 يت قىلمىستىڭ ءىزىن اشۋدا پوگون تاققانداردىڭ سەنىمدى سەرىگىنە اينالعان.
ارتەم كاراۆاەۆ اۋداندىق كريمينالدىق پوليتسيا ءبولىمىنىڭ كىشى جەدەل ۋاكىلى, كينولوگ مامان. ال, مىنا نەمىس توبەتى گراف. ول ارتەمنىڭ اينىماس دوسى. بۇگىنگە دەيىن ەكەۋى 5 قىلمىستى انىقتاعان.
– قىزمەتتىك يتپەن جۇمىس ىستەگەنىمىزگە ءبىر جىل بولدى. وسىدان ەكى جىل بۇرىن ونى قوستانايدان اكەلىنگەن كۇشىك ەدى. ءبىر جىلداي كوكشەتاۋداعى كينولوگيالىق ورتالىقتا, كەيىن الماتىدا ارنايى دايىندىق ءوتتى,–دەيدى اۋداندىق كريمينالدىق پوليتسيا ءبولىمىنىڭ كىشى جەدەل ۋاكىلى ارتەم كاراۆاەۆ.
ون كۇن بۇرىن گراف ەسىل قالاسى تۇرعىنىنىڭ اقشاسىن ۇرلاعان ادامدى ىلەزدە تاپتى. جىل باسىنان بەرى اقمولا وبلىسىندا وسىنداي قىزمەتتىك يتتەردىڭ كومەگىمەن 350 قىلمىس انىقتالعان. ونىڭ 200-گە جۋىعى ۇرلىققا قاتىستى بولعان.