2018-2020 جىلدار ارالىعىندا قالادا 51 بالانىڭ تەرەزەدەن قۇلاۋ وقيعاسى تىركەلدى, دەپ حابارلادى ەلوردا اكىمدىگىنىڭ ءباسپاسوز قىزمەتى.
نۇر-سۇلتاندا ء«ورت قاۋىپسىزدىگى جانە بالالاردىڭ تەرەزەدەن قۇلاۋ وقيعالارى» تاقىرىبىندا بريفينگ ءوتتى. تجد وكىلدەرى بالالاردى قايعىلى وقيعادان ساقتاۋدىڭ نەگىزگى ەرەجەلەرىن ەسكە سالدى. قۇتقارۋشىلار ءبىرىنشى كەزەكتە بالالاردى ەشقاشان جالعىز قالدىرماۋعا كەڭەس بەرەدى.
«تەرەزەگە جاقىن تۇرعان جيھازدىڭ بارلىعىن جىلجىتۋ كەرەك, سوندا جاقتاۋعا شىعا المايدى. موسكيت تورىنا ەشقاشان سەنۋگە بولمايدى», – دەدى ماماندار.
وعان قوسا, تەرەزەگە قورعانىش قۇرالدارىن ورناتۋ كەرەك, سوندا بالالار تەرەزەنى بىرنەشە سانتيمەتردەن ارتىق اشا المايدى.
«تەرەزەگە تور ورناتىپ, قورعاڭىز. ەگەر بالاعا تەرەزەدەن ءبىر نارسە كورسەتەتىن بولساڭىز, مىقتاپ ۇستاڭىز. ءبۇلدىرشىننىڭ شاپشاڭ قيمىلدارىنا دايىن بولىپ, قۇرعاق قولمەن بالانى كيىمىنەن ەمەس, ءوزىن مىقتاپ ۇستاۋ قاجەت. ەگەر ساقتاندىرۋ قۇرالدارىن ورناتۋعا مۇمكىندىك بولماسا, ەسىكتىڭ تۇتقاسىن بۇراپ الىپ تاستاۋ كەرەك. قاجەت كەزىندە اشىپ, پايدالانعان سوڭ جاۋىپ وتىرۋدى ۇمىپتاعان ءجون», – دەدى تجد.
ايتا كەتەيىك, 2018 جىلدان 2020 جىلعا دەيىن ەلوردادا 51 بالا تەرەزەدەن قۇلادى. ونىڭ 13-ءى كوز جۇمىپ, 38-ءى ءتۇرلى جاراقاتپەن اۋرۋحاناعا جاتقىزىلدى.