كارانتين ءتارتىبىن ساقتاۋعا جاۋاپكەرشىلىكپەن قاراعان تۇرعىندارعا نۇر-سۇلتان قالاسىنىڭ اكىمى التاي كولگىنوۆ ريزاشىلىعىن ءبىلدىردى.
«ازاماتتارىمىزعا ەڭ قاۋىپتى كەزەڭدە وقشاۋلانۋدى جانە توتەنشە جاعداي رەجيمىنىڭ ەرەجەلەرىن قاتاڭ ساقتاعانى ءۇشىن ريزاشىلىعىمدى بىلدىرەمىن. تۇرعىندار كارانتين ءتارتىبىن ساقتاۋعا جاۋاپكەرشىلىكپەن قارادى. بۇل كوروناۆيرۋس ينفەكتسياسىن تاراتپاۋعا جانە مەديتسينالىق مەكەمەلەر مەن دارىگەرلەر جۇكتەمەسىن ازايتۋعا مۇمكىندىك بەردى. الايدا, توتەنشە جاعداي رەجيمى توقتاتىلعاننان كەيىن كوشەلەر مەن ادام كوپ جينالاتىن ورىنداردا جۇرگەندەر سانى ارتتى. كەزەڭ-كەزەڭمەن شاعىن جانە ورتا بيزنەس جۇمىسىنا رۇقسات بەرىلدى, ساياباقتار مەن گۇلباقتارى, ساۋدا, ويىن-ساۋىق ورتالىقتارى, بازارلار جانە باسقا دا ورىندار اشىلدى. بارلىعىنا الگوريتم جاسالىپ, بەكىتىلدى. دەگەنمەن ۆيرۋستىڭ تارالۋ قاۋپى ءالى دە بار. ۆيرۋس قالدى, ول ەشقايدا كەتكەن جوق», – دەدى قالا اكىمى.