بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ PR-مەنەدجەرى جاڭىل اپەتوۆا حابارلادى.
«كەشە الماتى قالاسىنىڭ حالىققا قىزمەت كورسەتۋ ورتالىقتارى جۇمىسىن قايتا جانداندىرىپ, جاڭا فورماتتا قىزمەت كورسەتە باستادى. «ازاماتتارعا ارنالعان ۇكىمەت» مەملەكەتتىك كورپوراتسياسى كوروناۆيرۋس پاندەمياسى قاۋىپىنىڭ ساقتالۋىنا بايلانىستى مەملەكەتتىك قىزمەتتەردى كورسەتۋدىڭ جاڭا فورماتىن ۇسىنعان بولاتىن. سوعان سايكەس ازاماتتار حقو-دان تەك «قاعاز جۇزىندەگى» قىزمەتتەر مەن ونلاين تۇردە راسىمدەلگەن قىزمەتتەردىڭ ناتيجەلەرىن الا الادى. العاشقى جۇمىس كۇنى قاربالاسقا تولى بولدى. ەكى ايدان بەرى مەملەكەتتىك قىزمەت الۋعا قاتىستى ماسەلەلەرى جيناقتالىپ قالعان الماتىلىقتاردىڭ كەيبىرى, حقو-نىڭ جاڭا فورماتتاعى جۇمىسىن ەسكەرمەي, كەزەكتى برونداماستان كەلىپ العان. ولارعا ارنايى ماماندار ءبولىنىپ, حقو اۋلاسىندا سمارتفون ارقىلى برون جاسالدى. كوپشىلىگى قۇجاتتارىنىڭ مەرزىمى ءوتىپ كەتتى دەپ اسىعىپ كەلگەن. ازاماتتارعا ايتارىمىز, مەرزىمى وتكەن قۇجاتتار 10 شىلدەگە دەيىن جارامدى. ەلەكتروندىق قىزمەتتەردى ۇيىندە الۋ مۇمكىندىگى جوق ادامدارعا, الماتى قالاسىندا 40-تان اسا وزىنە ءوزى قىزمەت كورسەتۋ سەكتورلارى ۇيىمداستىرىلعان. ال, تسيفرلىق قىزمەت الۋدى مەڭگەرمەگەندەر ءۇشىن المالى جانە الاتاۋ اۋداندارىندا 2 تسيفرلىق حقو جۇمىس ىستەۋدە. مۇندا ماماندار ونلاين قىزمەت الۋدى ۇيرەتەدى. جالپى, مەملەكەتتىك قىزمەتتەردى ۇسىنۋدىڭ قازىرگى جاڭا ءادىسى, ەڭ الدىمەن قىزمەت الۋشى ءۇشىن وتە ىڭعايلى», - دەلىنگەن جازبادا.
العاشقى جۇمىس كۇنى الماتى حقو-لارىندا 12,5 مىڭنان اسا مەملەكەتتىك قىزمەت كورسەتىلدى. ولاردىڭ 70%-دان استامى الدىن الا برونداۋ ارقىلى قامتاماسىز ەتىلگەن. قالعاندارى سول جەردە برون جاساعان نەمەسە وپەراتورلاردىڭ بوساۋىن كۇتكەن.
وسىلايشا, الماتى قالاسىنداعى 16 فرونت-وفيس (ونىڭ ەكەۋى تسيفرلىق حقو), 5 مامانداندىرىلعان حقو, 2 ميگراتسيالىق قىزمەت كورسەتۋ ورتالىعىنىڭ العاشقى جۇمىس كۇنىندە 12542 ادام قىزمەت الۋعا جۇگىنگەن.
فرونت-وفيستەرگە جۇگىنگەن 7208 ادامنىڭ 2558-ءى تولقۇجاتى مەن جەكە كۋالىكتەرىن راسىمدەگەن, 619 ادام تۇرعىلىقتى جەرى بويىنشا تىركەلگەن. ونىڭ 475-ءى تۇراقتى, 144--ءى ۋاقىتشا تىركەلىپ, 48 ادام تۇرعىلىقتى جەرىنەن ەسەپتەن شىققان.
مامانداندىرىلعان حقو-لارعا جۇگىنگەن 3589 قىزمەت الۋشىنىڭ 3012-ءسى كولىك قۇرالدارىن تىركەۋ جانە قايتا تىركەۋ, 577-ءسى جۇرگىزۋشى كۋالىگىن راسىمدەۋ قىزمەتتەرىنىڭ ناتيجەلەرىن الدى.
ميگراتسيالىق حقو-لاردا شەتەلدىك ازاماتتارعا 696 قىزمەت كورسەتىلگەن. ولاردىڭ 496-سى ەڭبەككە رۇقسات الۋ, 149-ى ۋاقىتشا تىكەۋگە تۇرۋ, 51-ءى جسن الۋ قىزمەتتەرىنە جۇگىنگەن.
المالى جانە الاتاۋ اۋداندارىندا اشىلعان تسيفرلىق قىزمەت كورسەتۋ ورتالىعىنا 1050 ادام كەلىپ, ەلەكتروندىق قىزمەتتەر الىپ, ونلاين قىزمەت الۋ داعدىلارىنا ۇيرەنگەن.
حالىققا قىزمەت كورسەتۋ ورتالىعىنا كەزەك ۋاقىتىن egov.kz پورتالى, تەلەگرام-بوت eGovKzBot2.0 نەمەسە 1414 نومىرىنە قوڭىراۋ شالۋ ارقىلى بەلگىلەۋ قاجەت. ەسكەرەتىن ءجايت, حقو-عا قاتاڭ تۇردە بەلگىلەنگەن ۋاقىت ارالىعىندا بارعان ءجون. سەبەبى برون ۋاقىتى ءوتىپ كەتسە, قايتا برونداۋ ءراسىمىن جاساۋ كەرەك بولادى. سونىمەن قاتار برون بارىسىندا تىركەلگەن جسن يەسى عانا ەلەكتروندى كەزەكتى پايدالانا الادى.
الماتى حقو-لارىنىڭ جۇمىس ۋاقىتى دۇيسەنبى مەن سەنبى ارالىعىندا, تاڭعى ساعات 9.00-دەن كەشكى ساعات 20.00-گە دەيىن, دەگەن اقپاراتتاردى دا جاڭىل اپەتوۆا ءوز پاراقشاسىندا حابارلاعان.